"شباب كريستيان"تدعو المسيحيين للصلاة من أجل المسلمين..تعرف علي السبب

في لفتة طيبة لدعم وحدة النسيج الوطني، أطلقت حركة شباب كريستيان برئاسة المهندس نادر صبحي دعوة من أجل الصلاة للمسلمين لتحمل أعباء الصيام في ظل حرارة الجو الشديدة هذا العام.
وقال صبحي في بيان له " نريد ان نرفع صلاة من أجل اخواتنا المسلمين لكي يستطيعوا أن يواصلوا صيام بخير في هذه موجة الحاره " «صلّوا بعضكُم لأجل بعض» هكذا علمنا الكتاب المقدس تعالوا مع بعض كل حد فينا في القداس انهاردة او حتي الناس اللي مارحوش القداس و هم في مكانهم قاعدين نرفع صلاة دلوقتي من أجل أخواتنا المسلمين اللي صايمين و حقيقي انا مش متخيل هما صايمين إزاي .. ناس صايمة عن الأكل و الشرب.. طيب بلاش الاكل كلنا في الحر مش بنقدر ناكل لكن الميه اللي لو تخيلت نفسك في الجو المميت دا تقدر تعدى ساعة بدون ما تفتح الثلاجة و تشرب !! اعتقد صعب و قد ايه ناس و بالأخص كبار السن و المرضي".
وتابع مؤسس كريستيان :عاوزين نصلي إن ربنا يحافظ على صحة أخواتنا المسلمين مع ارتفاع درجات الحرارة التي تخطت حدود الوصف و أعلنت عنها الدولة و الأرصاد الجوية و حذرت بشدة من الخروج بالشوارع لان اول مرة تمر مصر بارتفاع في درجات الحرارة الي هذا الحد و حقيقي مش متخيل مدى تحمل الصائمين لهذه الحرارة بدون شرب الماء.
واختتم صبحي بيانه قائلاً " نصلي من أجل سلامتهم و صبرهم و عزيمتهم و تصميمهم إنهم يصوموا.. نصلي إن ربنا يحافظ على صحة كل الناس ".


التعليقات