بالصور.. طارق صبري يزور المعهد القومي للأورام ويطالب جمهوره بمساندة المرضى

حرص الفنان الشاب طارق صبري، على زيارة المعهد القومي للأورام في لفته إنسانيه وذلك لزيارة المرضي ورفع روحهم المعنوية وقضاء وقت معهم داخل المستشفى.
وقام بالتحدث واللعب مع الأطفال وبروحه المرحة صنع لهم جوا من البهجة والفرح ورسم الابتسامة على أوجه المرضى، وبعدها قام بجولة داخل المستشفى بمصاحبة العاملين بها.
حيث قام صبري، بنشر مجموعة صور له أثناء الزيارة وذلك علي صفحته الرسمية عبر موقع التواصل الاجتماعي "فيس بوك" وطالب جمهوره بمساعدة المرضى بأي شكل من الأشكال سواء مادي أو معنوي.
فعلق علي الصور قائلاً: "من زيارتي أنهاردة للمعهد القومي للاورام من زيارتي للمكان اللي بيدمج الأمل والصبر والرجاء من ربنا والقوة اللي بينعم عليهم ربنا بيها ضد الحزن واليأس والضعف هنا شوفت ابطال حقيقين شوفت الاطفال بيضحكوا بكل براءة ضد قسوة المرض وآلام العلاج شوفت الأمهات بتداري ضعفها وترسم قوتها قدام اولادهم عشان تطمنهم هنا شوفت اطباء و ممرضين وممرضات وشوشهم بشوشة مطمأنه بترسم امل لبكره هنا شوفت الابطال اللي بجد".
وأضاف: "فِكرة انك تشوف ابنك أو بنتك بيتوجع وبيتألم قدامك من الدوا عشان خاطر يديله أمل إنه يعيش بكره هي حقيقي اصعب تجربة ممكن اي حد يعدي بيها".
وتابع: "وعشان كده بطالبكم انكم تساعدهم مش شرط بفلوس يا ريت ولوّ حتي بزيارة تضحكوا معاهم وتطمنوهم ادعولهم الدعوة حلوة وهمّ بجد يستحقوها".
وأختتم حديثه: "كل واحد يساعدهم بالطريقة اللي يقدر عليها لإن حتى الابطال الخارقين بيحتاجوا مساعدة في اوقات كتير".


موضوعات ذات صله

التعليقات