الموجز
جريدة الموجز

بتخطف التريند.. سمية الخشاب تساعد طلبة الثانوية العامة وتطرح مراجعات نهائية

سمية الخشاب
محمد تمساح -

كشفت الفنانة سمية الخشاب عن دعمها لطلبة الثانوية العامة، وقالت في مداخلة هاتفية لبرنامج "خلاص صحينا" من تقديم مارينا المصري عبر محطة نجوم إف إم: " لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش".

وأضافت: "الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد".

واختتمت قائلة: "أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا".

جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.

ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.

كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.