أسما شريف منير تكشف عن صعوبات واجهتها بعد انفصالها عن زوجها.. تفاصيل مثيرة
حرضت البلوجر وخبيرة التجميل أسما شريف منير، علي مشاركة متابعيها بكواليس تجربة طلاقها من الفنان محمود حجازي مؤخرًا، وكيف تجاوزت هذه الفترة المؤلمة، كما قدمت بعض النصائح للمنفصلين.
حيث نشرت أسما صورة لها على حسابها الشخصي بموقع الصور والفيديوهات الشهير "انستجرام" وقالت : “دايمًا لما اتنين بيسيبوا بعض كل واحد فيهم بيبقي عايز التاني يحس أنه تعبان من غيره، اوفي حال أوحش، عشان يعرف يعدي ويقوم، هكدب عليكم لو قلتلكم محستش كده!! بس بما أني مركزة مع تجربتي المرة دي عشان فعلًا عايزة أتعلم وأقوى بجد، قعدت أحلل الإحساس ده بكل تفاصيله لحد ما وصلت أن لو فعلاً الواحد في يوم حب، إزاي ممكن يتمنى لحد حاجة زي دي، إيه الأنانية دي؟ حتى لو اتأذيت ليه أوصل أني أتمنى إن الشخص التاني يتعب عشان يحس بقيمتي!”.
وتابع: “ده إحساس مؤذي وده مش طبعي، فهذبت نفسي ولمتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص.. وتكون النهايات أخلاق مش ادعاء، لكل ست في نفس الموقف لو حسيتي بكده أقفي مع نفسك! وقفي نفسك، وغيِّري التفكير ده من جذوره و دعي الخلق للخالق”.
واستكملت: “ركزي في إزاي تقومي بطريقة صحية واتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}.. سامحي حتى لو مش إنتي اللي غلطانة، إن الله غفور رحيم.. (لا تنسوا الفضل بينكم)”.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
