كريم فهمي: فيلم ”ديدو” من أقرب الأعمال إلى قلبي في حياتي الفنية
قال الفنان كريم فهمي أن فيلمه الجديد "ديدو" المقرر طرحه بدور العرض السينمائي في سباق أفلام عيد الفطر المقبل، من أقرب الأعمال التي قدمها إلي قلبه.
وكتب "كريم": "أسباب تخلي ديدو الأقرب لقلبي مع حبي لجميع الأفلام اللي كتبتها.. لما توتا (محمد أحمد السبكي) قالي من ثلاث سنين تعالى نعمل فكرة عقلة الاصبع في الأول رفضت لأكثر من سبب أولهم ازاي هقدر ابعد عن كل الأفلام الكتير أوي اللي اتعملت بالتيمة دي من زمان لحد دلوقتي زي ant man وغيرهم".
وأضاف: "ازاي احنا في مصر هنقدر نجاري الناس دي في الجرافيكس وهو أحد أهم عوامل الفيلم لحد ما جاتلي قصة جديدة للتيمة وده اللي شجعني اشتغل عليه سنة تقريبا قصة وسيناريو وحوار وكان اتفاقي مع السبكية اني اسيب خيالي يشتغل لغاية الآخر وأن شاء الله كله هيتنفذ وكانوا فعلا عند وعدهم واكتر ومبخلوش على الفيلم ماديا أو بالمجهود".
وتابع: "تاني حاجة شجعتني اني نفسي اعمل فيلم للأطفال والكبار مع بعض ويبسط كل الأعمار.. الفيلم رحلة ثلاث سنين صناعة مع صديقي وأخويا مع المخرج عمرو صلاح.. اللي تعب جدا في فيلم صعب على أي مخرج ولكنه كان قدها وقدود وقاد المكتب كما قال الكتاب، وطبعا كريم السبكي اللي مهما اتكلمت عليه مش هوفيه حقه في الفيلم ده وعم أحمد السبكي اللي اتحمس للخطوة الجريئة جدا دي وصبر علينا السنين دي كلها.. شكرا كل صناع هذا العمل".
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
