×
".$TrjWWWTitle."

صحافة جيل جديد

رئيس التحرير ياسر بركات

الأحد 25 سبتمبر 2022 10:57 مـ 29 صفر 1444هـ
طارق الشيخ يطرح ”متستغربش حاجة” وينصح بعدم الإفراط فى الثقةبرنامج الأغذية العالمي التابع للأمم المتحدة ووزارة التعاون الدولي يُنظمان مؤتمراً عالمياً للأمن الغذائي يومي 28 و29 سبتمبر في القاهرةمنصة ”حصص مصر” تشارك في الدورة السابعة لقمة التعليم الإبداعي بالجامعة البريطانيةثلاثي وادى دجلة نوران جوهر وهانيا الحمامي وعلي فرج ينافس في المباراة النهائية لبطولة مصر الدولية للإسكواشأورجانون مصر تطلق مبادرة ”من أجلها” بالتزامن مع اليوم العالمي لوسائل تنظيم الأسرةآسر ياسين يبدأ تصوير فيلمه الجديد ”شماريخ”شيرين عبد الوهاب تثير الجدل بالرقص مع اصدقائهاإستعدادات أمنية مكثفة لتأمين مباراة الزمالك وإيكليت التشادي الليلةاشرف زكى برفقة يحيي الفخرانى من تحضيرات مهرجان القاهرة للدراماراشد محمد ينضم لقائمة أبطال فيلم ”ع الزيرو” مع محمد رمضانالصحة تكشف حقيقة إلغاء العلاج على نفقة الدولةمصر تدين الهجوم الإرهابى على مركز تدريب عسكري جنوبي مقديشو
الأخبار

حلا شيحا تهين والدها و توجه له رسالة قاسية

حلا
حلا

تطاولت الفنانة حلا شيحة علي والدها الفنان التشكيلي أحمد شيحة وطلبت منه أن يبتعد عن حياتها وعن زوجها
وكتبت عبر حسابها الرسمي على «إنستجرام»: «الحقيقة مصدومة من الكلام اللي والدي قاله عن زوجي اللي اتجوزته بكامل إرادتي والحمد لله لقيت معاه كل المعاني الجميلة من احترام ورجولة وشهامة نادرة الايام دي، وأنا لم يخطفني احد كما قال والدي والكلام ده لا يصح أبدا».

أضافت: «انا بحب زوجي وسعيدة بحبه ليا وبنحترم بعض ومعز بيحترم رأيي وبيقدر مشاعري وبالعكس هو دائما بيهدّيني، وطبعا بيساندني ويشجعني لأني زوجته وحبيبته، وهو اكبر بكتير من كل الكلام اللي بيتقال عليه وافتراءات مش صحيحة وهو ابعد ما يكون عنها».

تابعت: «لن أسمح لاحد الكلام عنه ولن اسمح بأي تصور خاطئ عنه بأي شكل من الاشكال، معز طول عمره له رؤيته الواضحة في الدين وحتي في الفن وهو ليس مع أي جماعة أو فئة معينة هو يمثل نفسه وله افكاره وارائه العلمية والدينية المختلفة الجميلة وليس لاحد ان يصنفه أو يضعه في أي قالب فقط لأن هواه لا يوافق ما يمثله معز».

وقالت: «هو في ايه في بلدنا الايام دي بنحارب ونصارع في بعض وعايشين في قصص وهمية من نسج خيالنا عن بعض، هو خلاص أي حد يتكلم بلغة الدين لازم يبقي متطرف أو اخواني هو مبقاش في مسلمين وسطيين طبيعين هو ليه كل انواع الهجوم ده على أي حد».

أضافت: «انا زعلانة من والدي جداً لانه يعرف معز كويس جدا وقعدوا مع بعض كتير ووالدي يحبه جدا وشاف منه كل خير، معز زيي اتجوز ١٤ سنة من عمره وكان مستقر في حياته وعنده ثلاث اولاد ربنا يخليهمله جمال ماشاء الله وعمره ما كان بتاع ستات زي ما بيتقال كلام لا يليق ابدا وفي الاخر زيي لم يكمل جوازه وحدث الطلاق وكلنا معرضين لده طبيعي انه كان بيحاول زي أي راجل محترم انه يلاقي استقرار في حياته في الحلال ومتوفقش اكتر من مرة ودي مش حاجة تعيب أي حد».

تابعت: «الحمد لله اتقابلنا وتلاقينا لان ظروفنا قريبة جدا وعندي اولاد مثله واولادنا شبه بعض الحمد لله واستقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض، ونخوض في اعراض بعض هو حصل في مجتمعنا ده احنا جرالنا ايه».

ووجهت رسالة إلى والدها: «في الاخر بوجه كلمة لوالدي الحبيب ان لا يصح ابدا كلامك مع كامل احترامي لك وللجميع، انا الحمد لله سعيدة في حياتي ومع زوج اتشرف انه زوجي وبعتز بيه واحنا اصدقاء قبل ان نكون أزواج، وكل كلمة اكتبها وقلتها نابعة مني وانا متدينة بطبعي زي أي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي ان معز مش هو سببه، مش محتاجة حد يخطفني أو يكتب عني أو يوجهني، هذا كلام لا يليق، دعوا الخلق للخالق وكل واحد يخليه في حاله، وياريت نسمع من بعض بدل ما نسمع عن بعض، أحسنوا الظن

حلا شيحة والد حلا شيحة معز مسعود

مواقيت الصلاة

الأحد 10:57 مـ
29 صفر 1444 هـ 25 سبتمبر 2022 م
مصر
الفجر 04:18
الشروق 05:45
الظهر 11:47
العصر 15:13
المغرب 17:49
العشاء 19:06
الزمان الطريق