قام الرئيس عبد الفتاح السيسي، بإرسال فريقًا طبيًا متكاملًا للمستشفى التي ترقد فيها الفنانة ياسمين عبد العزيز وذلك لمتابعة حالتها والإشراف على أطباء إجراء العملية، ومن جانبه وجه الفنان وائل عبد العزيز شقيق ياسمين رسالة شكر وتقدير للرئيس بعد مساندته لهم في هذه المحنة.

حيث كتب على صفحته الرسمية عبر موقع التواصل الاجتماعي "فيس بوك" قائلًا: "نشكر سياده رئيس الجمهوريه السيد عبد الفتاح السيسي والد لكل المصريين علي إرسال فريق طبي متكامل لمتابعه الحاله والإشراف علي أطباء إجراء العمليه آملين من الله عز وجل الشفاء العاجل لبنتنا دعاوتكم في يوم عرفه جزاكم الله خير".

وكان الفنان أحمد العوضي وجه رسالة مؤثرة لزوجته بعد خضوعها لعملية جراحية لم يكشف عن تفاصيلها حتى الآن حيث كتب على صفحته الرسمية عبر موقع التواصل الاجتماعي "فيس بوك" قائلًا: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جدًا من غيرك انتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه".

وأضاف: "انا عاوزك تبقي كويسة وتقومي عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتي من الموقف اللي إحنا فيه دلوقتي.. أنا بحبك، ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".