تزوجت سرًا ولم تعلم بوفاة والدها.. لها رأي جرئ في المشاهد الساخنة والقبلات.. حكايات نيللى كريم
كشفت الفنانة نيللي كريم، عن رأيها في مفهوم السينما النظيفة من وجهة نظرها، مشيرة إلى أن المشهد يعتمد على كفاءة المخرج والكادر.
وقالت نيللي خلال لقائها في برنامج بصراحة مع: أنا مع السينما الحلوة ميهمنيش نظيفة ولا لا حتى لو فيه مشاهد حب المهم القصة ومين المخرج ووجهة نظره أيه، وأنا حظي حلو أني اشتغلت مع مخرجين كتير عينهم حلوة زي كاملة أبو ذكرى في فيلم يوم للستات وفيه مشهد لإلهام شاهين وفيه علاقة غرامية بتحصل، ومع ذلك أنتي هتقعدي تتفرجي على الفيلم ومش مضايقة والبوسة ممكن تبقى حلوة أو وحشة حسب الكادر.
وواصلت: زي الأفلام القديمة بتتفرجي على مشاهد الحب وأنتي فرحانة وبتضحكي وعينك فيها لهفة، والإخراج وجهة نظر معتمدة على المخرج وفيه مخرجين مقدرش أشتغل معاهم ومعنديش ثقة فيهم، وفيه مخرجين أشتغل معاه وانا مغمضة.
وأضافت نيللي: وأنا عملت فيلم 678 بيتكلم عن التحرش وكل المشاهد محدش لمس حد، ومع ذلك المعنى وصل للمشاهدين، والفيلم كسب جوائز كتير أوي وأتعرض في أميريكا وأسبانيا والستات وهما بيتفرجوا بيقولوا أنا حصلي كدا، دا سبب جمال الإخراج أنك تعمل أي حاجة بس المهم العناصر تكون متكاملة، الجرأة ليها حدود وهيبة معينة.
وقالت أن زيجاتها من بهاء محمد تم دون علم والدتها ونتج عن هذه الزيجة ولدين وهما كريم ويوسف ولكن تم الانفصال.
وقالت : عمري ما باخد رأي حد من وأنا صغيرة وفي جوازتي الأولى اتجوزت من ورا أهلي، وطالما أنا قررت يبقى هعمل اللي بعمله وولادي بيحترموا قرارتي وعارفين أن محدش بيأثر عليا.
وواصلت: وأنا مش بجبر حد على رأي وأحب كل واحد يقتنع برأيه الشخصي ويتحمل نتيجة غلطة، وممكن أنصح بس مش بأثر أو بصمم أن رأيي هو الصح ومفيش حاجة اسمها صح وغلط.
تزوجت نيللي كريم للمرة الأولى من بهاء محمد، وانفصلوا بسبب بعض الأزمات بينهما، وكشفت الفنانة في لقاء سابق لها، أنها ليست نادمة على هذه الزيجة، لأنه نتج عنها أجمل ثمرتين بالدنيا وهما أبنائها.
وعن كواليس وفاة والدها قالت : لما والدي توفى مكنتش ساعتها فاهمة مدى المصيبة والحدث، وكنت صغيرة وعندي 16 سنة وماما وأخواتي كانوا مخبيين عليا وكنت بسألهم يقولولي عنده برد وهيبقى كويس، وماما عملت كل حاجة ممكنة أني متأثرش وخبت ومشوفتش أمي ولا مرة بتعيط غير مرة واحدة لوحدها، وهي طول الوقت كانت قوية وماسكة نفسها.
وأكملت: وحسيت لما بقيت أكبر وبقيت أقول لو بابا كان عايش مكنش دا حصلي.. وبحس بروح بابا وأنه موجود وماما بتحس بيه على طول وعندها الروحانيات عالية جدا وبتقولي الحاجة قبل ما تحصل، ومن 7 سنين حصلتلها جلطة في المخ وساعات بتنسى حاجات كتير وتقول كلام محصلش، وممكن تقول حاجة وبعد أسبوع تحصل وأنا مؤمنة أن فيه ناس روحانيتها عالية جدا بسبب النقاء اللي في قلبهم.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
