أمينة بعد تعرضها لتمزق فى الأربطة: ليه الكره غير المبرر ده؟!
أعلنت المطربة أمينة، عبر حسابها على موقع التواصل الاجتماعي فيس بوك عن إصاباتها بتمزق فى أربطة القدم.
وكتبت أمينة على حسابها، قائلة: "جماعة الناس اللي مفكرة أن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني ورغم أني كنت بتحامل على نفسي عشان خاطر فيه ناس جايه عشان تشوفني مارضتش أمشي ونتيجة تحملي علي رجلي جالي تمزق في الأربطة".
وأضافت أمينة : "كل ده مش مهم قد ما مهم أوى أني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانه فيا وبتقول أحسن ما تقطع، أحسن دي بتترقص، أحسن دي مش عارف أيه؟! ليه كل ده؟! ليه الغل والحقد ده؟ ليه الكره غير المبرر ده؟!".
واختتمت أمينة: "جماعة إحنا أبسط من كده بكتير وأي شو إعلامي بيظهر قدامكم اوعوا تتخدعوا فيه أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من ناحيتي، ربنا يهديكم ويبعد عننا النفوس المريضة دي يا رب".
المطربة أمينة لمنتقدي سقوطها على المسرح: ياريت ماما تفضى 3 دقايق عشان تربيكوا| فيديو
وتداول رواد تطبيق تيك توك، فيديو لسقوط المطربة أمينة على المسرح في أخر حفلاتها، وسخر عدد من متابعيها من الفيديو.
وردت المطربة أمينة على سخرية بعض متابعيها من خلال فيديو عبر حسابها بتطبيق تيك توك، قائلة: "ده فيديو وقعت فيه وأنا فى الشغل واتحاملت على نفسى وقمت، جالى تمزق فى الأربطة والحمدلله".
وأضافت المطربة أمينة: "دخلت على تعليقات الفيديو أشوف الناس اتخضت عليا وكانت الثقة زيادة، دخلت لقيت معظم التعليقات اه أحسن والأرض تبلعها وأصلها بتترقص".
وتابعت المطربة أمينة: "أيه قلة الأدب والذوق دى وعدم الدم دى، أنا اتربيت إنى أحس بالناس التانية.. أنا اتصدمت".
وأوضحت أمينة: "إحنا الفنانين محطوطين مع بعض، الصالح مع الطالح واشتموها عشان فنانة، يا جماعة ياريت ماما تفضى 3 دقائق وتقوم تربيكوا بدل قلة الأدب ومحدش عالم بيكوا غير ربنا".
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
