لوسي تكشف كواليسها في المداح: جسمي اتخشب وخرج مني صوت غريب

قالت الفنانة لوسي، إنها تخاف من الجن والعفاريت، واثناء قيامها بتصوير احد المشاهد في الجبل الذي يعتبر مملكة "هند" في مسلسل المداح٣، وحدث شئ غريب خلال التصوير.

واضافت لوسي في لقائها مع الاعلامية سهير جودة التي نشرته عبر صفحتها الرسمية على فيسبوك، قائلة: «وانا بصور مشهد مع حمادة هلال فجاة المخرج قال استوب، وفريق العمل وجدوني متخشبة وصوتي عالي وغريب جدا، وفي سائل بيخرج من فمي، وبتنفض نفضة غريبة اوي، والكلام ده حصل بجد».
وتابعت: «فضلوا فترة مش عارفين يقعدوني وكنت متخشبة فعلا، وبعد ساعة ونص، فوقت وعرفت ان حمادة هلال والشيخ كانوا بيرقوني، وقرأوا قرآن على المياة ورموها في مكاني عشان اقدر اتحرك، كنت في حالة سيئة جدا، وقعدت يومين في البيت جسمي مكسر وصداع رهيب».

واوضحت لوسي: «انا مش عارفة ايه اللي حصل بجد، ممكن ضغط المشاهد وصعوبة الشخصيات، والاجواء والمكان، وطريقة الاضاءة كان لهم تأثير نفسي، اكن اعتقد كل ما حدث كان اجهاد من ضغط العمل، لان شخصية هند تتعامل مع الدجالين وهي جنية، وتستخدمهم في تنفيذ افكارها الشيطانية».

واشارت لوسي، «بيبقى معانا في التصوير رجل ديني، عشان لو حمادة هلال قرأ ايات من القران يكون تشكيلها صح، او اي ممثل في التصوير،
واكدت لوسي ان الشياطين والجن موجودين حولنا، "اعوذ بالله من الشيطان الرجيم"، فهناك ايات كثيرة تؤكد وجودهم.

وعن علاقتها بالمداح خلال المسلسل، قالت انها تحاول ان تستخدم صابر مثلما كان يستخدم الاشياء السيئة، وتحاول ان تعيد صابر الى طريق الخير الذي كان يسير عليه في بداية المسلسل.
واشارت لوسي، «انا عملت مذاكرة للشخصية ودرستها، عشان اقدر اكون تفاصيل عن هند بنت الاحمر قبل التصوير»، موضحة انها تعلمت من المسلسل ان تستعيذ بالله من الشيطان الرجيم، وتذكر الله باستمرار، حتي اصبحت بمثابة طقوس لها، واستفدت من تجربة المداح انني استطيع تقديم ادوار الشر».