الرئيس السيسي عن أزمة ضبط الأسواق: الحلول موجودة وبتعتمد علينا كلنا

قال الرئيس عبد الفتاح السيسي رئيس الجمهورية، إنه يقدر حجم التحدي الذي يعيشه المصريين في ظل تلك الأزمات، متابعًا: إذا مكانتش الدولة المصرية بكل ما فيها يعملوا على إن مواردنا من التجارة تساوي أكتر أو تساوي إنفاقنا من الدولار هيكون دايمًا عندنا مشكلة وهي دي كل الحكاية.

احتفالية الذكرى 72 لعيد الشرطة

وتابع الرئيس السيسي خلال كمته في احتفالية عيد الشرطة: “حد ممكن يقول الحكومة والدولة تضبط الموقف في الأسواق، طبعًا ليكم حق، لكن عاوز أقولكم اللي بتكلم عليهم دول مواطنين مصريين، لما أكون مصري، وعندي قدرة على الكسب، واتصور أن المكسب المناسب يكون كفاية”.

وتابع السيسي: "ده كلام مش بالخواطر تمشي الدول، الدول تمشي بالسياسات والقوانين والعمل، والأزمة اللي أحنا فيها ليها حلول أكيد، بس كلها بتعتمد علينا كلنا، إحنا بنجيب عربيات بأربعة ونص مليار دولار في السنة، 2 مليار دولار موبايل في السنة، وإحنا بقينا 106 مليون وكل حاجة متوفرة.

الرئيس السيسي يشارك في احتفالية عيد الشرطة

قال الرئيس عبد الفتاح السيسي، رئيس الجمهورية: “أنا بتكلم معاكم بقلبي، من كام يوم قولت إن استقرار الدول، أمر لا تتحمله الحكومة ولا القيادة فقط، بل كل الشعب المصري، مسئول عن أمنها ومستقبلها واستقرارها وتقدمها”.

وأضاف: أنا بقول الكلام ده في وقت صعب، وزي ما أنتم شايفين المنطقة بالكامل والعالم في وقت صعب جدًا ومضطرب قوي، والأوضاع في المنطقة وقطاع غزة وبعد 4 شهور من الحرب على القطاع، يا ترى الأربع شهور عدوا بسهولة في مصر؟.

الذكرى 72 لعيد الشرطة المصرية

وتحتفل مصر يوم 25 يناير من كل عام بذكرى عيد الشرطة والذى خلد بطولات رجال الشرطة فى موقعة الإسماعيلية الشهيرة.

وضحى شهداء الشرطة بأرواحهم فى معركة الإسماعيلية عام 1952 أثناء تصديهم للعدوان، ليصبح هذا اليوم عيدًا يحتفل به المصريون كل عام.