هددوه بالقتل.. تفاصيل أغرب دعوى للخيانة الزوجية من محكمة الأسرة
يوميا ، نشاهد ونسمع الكثير من القصص المأساوية من محكمة الأسرة، ومابين قصص الطلاق والخلع نرى أغرب الحالات التى توجد داخل المجتمع المصري ولا نعلم عنها شيئاً.
اليوم نسرد لكم في " الموجز" تفاصيل قصة جديدة عن الخيانة الزوجة ، بدأت وقائعها في محكمة الأسرة.
رفع زوج يبلغ من العمر55 عاما دعوى قضائية ضد زوجتة بسبب الخيانه بعد طردها له من شقة الزوجية بمنطقة شبرا الخيمة، التابعة لمحافظة القليوبية .
جلس الزوج داخل محكمة الأسرد يسرد " للموجز" تفاصيل الواقعة، وهو ينتظرموعد جلسة القضية، وقال الزوج: "انا زوجتي خانتني وطردتني من الشقة وانا مش بخلف ومعانا طفل مش عارف ازاي وكل شوية تقولي دة مش ابنك انت تعرف منين أن الطفل دة ابنك لدرجة أني شكيت في الأمر لان الطفل مش بيجي يحضني بحنية وقاسي عليه وبحس أن الطفل بيكرهني ومعاملة زوجتي ليا وحشه ودايما بتقولي انا بكرهك مش عارفه اتجوزتك على ايه وانا مستحمل وساكت علشان الطفل وفي الآخر خاينه منها لله وعشيقها تاجر سلاح وبيهددني لو جيت ناحية الشقة تاني هيضربني بالنار".
عامل يحكي تفاصيل خيانه زوجته
واستكمل الزوج من داخل محكمة الأسرة:"انا كنت راجع من الشغل ودخلت البيت لقيت مراتي بتخوني في اوضة نومي شوفتوا الجبروت ياعالم وبكل بجاحه قالتلي دة جوزي وبفتش في الأوضة لقيت عقد زواج عرفي منهم لله دمرت حياتي انا عايز حقي ومش مسامح في كل اللي حصل دة منك لله ياشيخه اشوف فيكي يوم".
انا عايز حقي مراتي قهرتني وكسرتني
وتابع الزوج في حديثه لنا:"انا بطلب حقي من القضاء الست دي تتحاكم هي والراجل اللي خانتني معاه وهو بيهددني هيضربني بالنار لأنه تاجر سلاح والست اللي كانت زوجتي كانت سيئه السمعه ويارتني اعرف قبل ما اتجوزتها وكل الناس قالت عنها كلام سيئ بعد اللي حصل دة منها لله دي فضحتني في البلد كلها حسبي الله ونعم الوكيل".
إقرأ أيضا
زوجة لـ«محكمة الأسرة» : زوجى يبتزنى ماديا مقابل رؤية أبنائى
الحكومة تواجه فوضى دعاوى إثبات النسب بتعديلات في قانون محكمة الأسرة
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
