الموجز
رئيس التحريرياسر بركات
الخميس 25 يوليو 2024 09:34 صـ 19 محرّم 1446 هـ
أهم الأخبار

شقيق شيرين عبد الوهاب يكشف تفاصيل جديدة حول خلافها مع عائلتها

شيرين عبد الوهاب
شيرين عبد الوهاب

قام محمد عبد الوهاب، شقيق النجمة شيرين عبد الوهاب، بالرد على الاتهامات التي وجهتها له شقيقته، والتي تضمنت استغلالها وبيع حساباتها الشخصية على السوشيال ميديا بناء على التوكيل الذي قدمته له، وذلك من خلال حسابه الشخصي على موقع التواصل الاجتماعي "فيسبوك".


تصريحات شقيق شيرين عبد الوهاب

وقال محمد عبد الوهاب أنه اضطر للرد على شقيقته على السوشيال ميديا لأن كل شخص لديه مقدرة على تحمل الأذى، مُضيفًا:" كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 19/12/2022 يعني من سنتين، إيه هي بقي الاتهامات دي؟ كسر الضلع والعشرين راجل اللي دخلت بيهم على اختي، وطبعا موضوع السكينة، واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب، التوكيل اللي بتقول إن أنا أسأت استخدامه".


وأكد محمد عبد الوهاب، على أن ما فعله في حق النجمة شيرين عبد الوهاب هو دليل على أنه لا يرغب في أن تظهر بشكل سيئ أمام جمهورها، مُضيفًا:" وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها إن بنتها اتنازلت وأنا أستحمل أي حاجة إلا إنها تتوجع في ولادها".

محمد عبد الوهاب لشقيقته: أهل الشر اللي حواليكي خسروكي نفسك وأهلك

وأكد محمد عبد الوهاب، على أن شقيقته قد خسرته هو وأهله بسبب أهل الشر التي تسير وراءهم، مُتابعًا:" وبناء عليه رضيت بالظلم لوحدي لكن الحقيقة غير كده، أنا اتطلبت في النيابة واتسألت رسمي وتم اخلاء سبيلي من النيابة على ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني النهارده أطلع أقول جزء من الحقيقة للناس رغم إن ده آخر حل كنت أحب ألجأ ليه،وده حق ربنا لا ظلم ولا افترى".

وأوضح محمد عبد الوهاب أنه بعيد عن شقيقته وعن حياتها منذ عامين، وأنه سوف يرد بعد ذلك بالمستندات، وأنها كادت ستتسبب في حبسه، مُتابعًا:" ونفس الكلام اللي من سنتين بيتعاد تاني معرفش لمصلحة مين مع إني بعيد عنك وعن حياتك من سنين قبل الواقعة وسنتين من بعدها، ده قرار النيابة العامة الموقرة في الافتراءات اللي اتوجهتلي، مش بيان من محامي، وأي حاجه هرد بيها هتكون مستند حكومي عليه ختم النسر، مرفق هنا الفيديو بتاريخ 11/11/022 اللي قولتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت ان القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".


اقرأ أيضًا:

الأزمات تلاحق شيرين عبد الوهاب.. فما القصة؟


قصة حب لا تنتهي.. أول تعليق من شيرين عبد الوهاب عن أزمة حسام حبيب

موضوعات متعلقة

nawy