نجوم الفن

محمد أنور يدافع عن يوسف الشريف: بيخاف ربنا

يوسف الشريف
يوسف الشريف

دافع الفنان محمد أنور، عن النجم يوسف الشريف بعد الهجوم عليه من قبل نشطاء مواقع التواصل الاجتماعي بعد تصريحاته بعدم ملامسة النساء في أعماله الفنية، وذلك عبر حسابها الرسمي بموقع تبادل الصور والفديوهات انستجرام.

وكتب "أنور": "ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه أو الاحضان والبوس والكلام ده.. لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه.. وربنا كرمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد".

وأضاف نجم مسرح مصر: "فجأه كل الناس شايفاه رجعي ومتخلف ومش فنان وناس قالو ده اخوان، وناس قالت طب روح حجب مراتك الاول، وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب، في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده أو ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني".

وتابع: " وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها.. افتكر انك لما بتموت وانت سايب صدقه جاريه بتنفعك في قبرك وتزود حسناتك .. ممكن كمان تعمل عمل يعتبر ذنب جاري وبعد ماتموت يفضل يزود سيئاتك".

ويستعد محمد أنور لتصوير مسلسله الجديد "إسعاد يونس" من تأليف فاروق هاشم، وإخراج معتز التوني، وينتمي لنوعية الأعمال الدرامية التي تصل عدد حلقاتها لـ 15 حلقة.

محمد أنور يوسف الشريف مسلسل النهاية مسلسل إسعاد يونس مسلسل قوت القلوب