يوسف عمر :بعد إصابتي محمد رمضان قالي عاش يا بطل وهددوني علشان أسكت
أعلن الفنان يوسف عمر الذي أصيب في إعلان مع الفنان محمد رمضان، تفاصيل الواقعة، حيث قال أنه كان يُصور إعلان مع رمضان، وتابع :"أول ما قالوا أكشن، مشوفتش حاجة ومعرفش إيه اللي حصل، لقيت قنبلة اتفجرت، لغاية دلوقتي عندي مشكلة في وداني بسبب الصوت، وكمان محستش برجلي، لولا ستر ربنا كان ممكن أموت في لحظة، الواحد لو صحته مش كويسة كنت مت، أنا والله بعد التصوير والواقعة دي كنت همشي عادي، بس اللي ضايقني أن عصام الوريث ده اتعامل معايا بعد الواقعة باستهتار كبير جدًا، وكان محسسني أني أنا اللي غلطان".
وأشار إلى أنه قام بتجسيد مثل هذه المواقف كثيرًا ، لكنه لم يتعرض مطلقًا للخطر، قائلًا :"المفروض المسدسات والقنابل في المشاهد متبقاش حقيقية، لازم يكون فيه أمان، قولت أكيد عاملين حسابهم من ناحية القنابل دي، أنا شغال حاليا في مسلسل ليسرا، وبشتغل في إعلانات".
وتابع أن الفنان محمد رمضان، جاء له بعد انتهاء المشهد، وقال له :" شوت حلو جدا، عاش يا بطل، مكنش وقتها شاف رجلي، والكلام ده قاله قبل أنا نفسي ما أبص على رجلي، أنا مكنتش حاسس بأي حاجة في جسمي ولا رجلي، بس حتى الآن مش عارف هل ده بقصد من عصام الوريث ولا مش قصده، لأنه في الآخر طلعني أنا اللي غلطان".
وأضاف :"الوريث بيقولي أنت اللي نطيت متأخر، ده أنا الحمد لله أني نطيت متأخر، لو كنت نطيت بدري كنت موت، وحب يعملي كارت إرهاب بشكل غير مباشر عشان معملش حاجة، بعد ما مشيت ورحت لدكتور غيرت على الجرح، دخل عليا داخلة هو وثلاثة أصحابه، وغلطني تاني، أنا اتوترت بقى وكلمت والدي، قالي استنى عندك وأنا جايلك".
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.