كفاية سخرية من مجهود الناس.. محمد رحيم يهاجم عمرو مصطفى بعد تصريحاته الجريئة
هاجم الملحن والفنان محمد رحيم رسالة للملحن عمرو مصطفى عبر صفحته بموقع التواصل الاجتماعي "فيسبوك".
وقال رحيم: "صديقي عمرو مصطفى شاهدت حلقتك في برنامج (العرافة) للإعلامية بسمة وهبة وكان ليا تعليق الحقيقة شوف يا عمرو أنا ميهمنيش أبدا انك تبقى عايش في كدبة كبيرة ومصدقها لكن يهمني انك متفرضش الكدبة دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنة بتاعتنا البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللى لازم تحترم".
وذكر: "كل واحد شق طريقه بنفسه وبذل مجهود لايستهان به فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللى كلهم ناجحين سواء مطربين أو ملحنين اشتغل وانت ساكت والزم حدودك انت مش أكتر من ترس في عجلة جوة مصنع جوة مدينه جوة بلد كاملة أسمها بلد الإبداع والفن والحضارة وهوليوود الشرق (مصر)".
وتابع محمد رحيم: "انا كل ما أبدأ معاك صفحة جديدة ترجع تخون الصداقة والعيش والملح وتفاجئني بما هو أفدح من كل مرة قبل كده كتير كنت بسكت وبقول مفيش داعي نكبر الموضوع المرادي انت بجد زودتها أوي كفاية غلط في الناس كفاية سخرية من مجهود الناس كفاية تعدي على كل الناس اللي شقيت وحفرت في الصخر علشان تكون أساميها وانا كنت أتمنى أن الرد ده اسمعه من السيد نقيب الموسيقين الفنان هاني شاكر أو رئيس جمعيه المؤلفين والملحنين د. مدحت العدل ولكن كلهم سمعوا إهانة الناس وسكتوا ورمضان كريم محمد رحيم".
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.