كارولين عزمى تكشف كواليس تعرضها لـ التحرش
فاجأت الفنانة كارولين عزمي متابعيها بفيديو على حسابها بتطبيق انستجرام وثقت من خلاله عن تعرضها لحادث تحرش أثناء قيادة السيارة.
وعلقت كارولين عزمي على الفيديو قائلة:" أنا اللى يعرفنى او متابعنى عارف انى شخص مالوش فى المشاكل ولا عمرى شاركت مشكله تخصنى سوشيال ميديا".
واستطردت عزمي:" باختصار.. انهارده كنت فى عربيتي و جنبي عربيه فيها واحد كسر عليا كل اللى عملتو انى بصتله و بصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج"... ساعتها اتخضيت و بدأت اصور بجد و انتو هتشوفو في الفيديو الحركات اللي بي أيده و الشتايم…. و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا".
وأكملت كارولين عزمي قصتها:" انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح.. انا عايزه حقى يرجعلى".
وتعاطف مع الفنانة كارولين عزمي عدد كبير من متابعيها معبرين عن دعمهم لها في موقفها، ومقدمين لها نصائح للأخذ بحقها بشكل قانوني.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.