الموجز
رئيس التحريرياسر بركات
الجمعة 29 مارس 2024 09:25 صـ 19 رمضان 1445 هـ
أهم الأخبار

حالته صعبة ولن يعود للشاشة قريبا .. تعرف علي آخر أخبار الإعلامي عمرو أديب

أديب
أديب

كشفت الإعلامية لميس الحديدي عن آخر تطورات الحالة الصحية لزوجها الإعلامي عمرو أديب وطمأنت الجمهور بعد تعرضه لحادث مروري مساء الثلاثاء الماضي.

وقالت الحديدي: عاوزه أتكلم في موضوع مالوش علاقه بالشغل، عاوزة أطمن كل الناس اللي بتسأل على عمرو بعد الحادثه الصعبة اللي تعرض لها مساء الثلاثاء الماضي، الحمد لله هو بخير بشكل عام ربنا نجاه بأعجوبة الحقيقة لأن العربية اللي خبط فيها واللي وقفت فجأة، كانت محملة بأنابيب بوتاجاز فكان ممكن تنفجر في أي لحظة».

وتابعت: الدكاترة طمنونا على حالته عموما، لكن هو لسه بيعاني من آلام مبرحة غالبا من الكدمات والردود، نتوقع أنها تاخد بعض الوقت، وإن شاء الله يحاول يرجع لجمهوره قريبا بإذن الله، لكن هو محتاج يستريح شوية علشان يقدر يرجع تاني، وانا طبعا ماكنتش هقدر أنزل الشغل أو أكون معاكم إلا وأنا مطمنة عليه إنه بيتماثل للشفاء وأن حالته تسمح أني أسيبه بعض الوقت، لأن في مثل هذه الأحداث دوري كزوجة بييجي قبل دوري كإعلامية».

ووجهت الإعلامية الشكر للجمهور ولكل المسؤولين في الدولة قائلة: عاوزة أشكر كل الناس اللي سألوا علينا وعليه من أصغر حد لأكبر حد، من الجمهور البسيط اللي كان بيبعتلي رسائل ودعوات وشمع في الكنائس، لأكبر مسؤولين في البلد بشكرهم جميعا، زملاءنا الإعلاميين، الفنانين من كل الوطن العربي، الدكاتره اللي كانوا بيكلموني، وطبعا أصدقائي وأصدقاء عمرو اللي ما سابونيش لحظة واحدة«.

وتابعت: بعتذر إني ماكنتش برد على الاتصالات، لكن ممتنين جدا لاهتمامهم، وحبهم اللي حسينا بيه».

وكشفت لميس الحديدي لأول مرة عن هوية 4 شباب كان لهم دور كبير في إنقاذ زوجها الاعلامي عمرو أديب للمستشفى وإنقاذه، قائلة: أنا هنا سأخص بالشكر 4 شباب بالاسم، لانهم هما دول اللي نقلوا عمرو المستشفى بعد الحادث مباشرة وفضلوا معاه لحد ما انا وصلت مباشرة بعد الحلقة يوم الثلاثاء، المهندس مصطفي عزب، والدكتور كريم النحاس، والدكتور طارق سلامه، والمهندسة داليدا، الشباب دول أنا ما اعرفهمش، لكنهم تصادف وجودهم في نفس مكان الحادث ونقلوه المستشفى وفضلوا معاه لحد وصولي وكملوا معايا لحد ما اتطمنوا عليه، الشباب دول أنا صممت آخد أساميهم علشان أشكرهم بنفسي، فيه لسه ناس محترمة بجد»

جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.

ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.

كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.