×
الموجز

صحافة جيل جديد

رئيس التحرير ياسر بركات

الإثنين 19 أبريل 2021 04:23 صـ 7 رمضان 1442هـ
نجوم الفن

آسر ياسين : أستخبيت في فرن البوتاجاز وأنا صغير.. ومش لازم الجواز يكون علشان الخلفة

آسر ياسين
آسر ياسين

كشف الفنان آسر ياسين، عن كواليس في حياته الشخصية حيث قال إنه لم يكن متسرعًا في قرار الارتباط لذلك تزوج في عمر الـ31 سنة، لافتًا إلى أن بعض زملائه تزوجوا وأنجبوا خلال فترة الجامعة.

وأضاف خلال لقائه ببرنامج "السيرة" الذي تقدمه الإعلامية وفاء الكيلاني بقناة "دي إم سي": "أنا اتجوزت علشان حبيت مراتي وعايزها تكون أم ولادي وشريكة حياتي"، لافتًا إلى أنه مر بتجربة خطوبة وعلاقات فاشلة قبل الزواج من زوجته كنزي.

وتابع: "أول بنت أعاكسها في حياتي كانت كنزي مراتي، وانجذبت إليها قبل الزواج بعامين، ولما اتقابلنا أعجبت بيها وقمت بالمبادرة وبعت لها رسالة على التليفون وردت عليا بعد 3 ساعات".


وأردف: "كنت شايف الجواز من خلال والدي ووالدتي، بالرغم من أن أخويا اتجوز قبلي، وهو عنده 25 سنة.. لازم الشخص يكون مستعد للجواز، مش لازم الجواز يكون علشان الخلفة وخلاص".

وتحدث آسر ياسين عن والديه قائلا: "والدى كان قدوة بالنسبة لى، وأمى تعبت معانا جدا لكنها قدرت تسيطر على شقاوتى أنا وأخويا بالرياضة".

وكشف عن طفولته، قائلا: "وأنا عندى 4 سنين كنت بحب أجرب حاجات كتير، كنت بحط المخدات فوق بعضها وأطير من فوقها معرفش وقتها كنت بفكر فى ايه، مرة استخبيت فى فرن البوتاجاز، ومرة حطيت ايدى فى جنزير عجلة ومكنتش عارف أبكى ولا أصوت ولا أنادى على حد".

وتابع: "كنت مصاحب واحدة ورايح أعدي عليها في حتة وقتها والدتي قالت لي ما تنزلش فقلت لها هنزل ما عنديش امتحانات وقابلتها وفجأة لقيت 5 أولاد جايين وضربوني علقة قدامها ومكنتش عارف ليه".

وأكمل: "يمكن العلقة اللي أخدتها دي علشان ما سمعتش كلام أمي، المهم في النهاية عرفنا مين اللي كان ورا اللي ضربوني وكان هدفهم إيه وجبناهم"

آسر ياسين والده السيرة البوتجاز العجلة

مواقيت الصلاة

الإثنين 04:23 صـ
7 رمضان 1442 هـ 19 أبريل 2021 م
مصر
الفجر 03:52
الشروق 05:24
الظهر 11:54
العصر 15:30
المغرب 18:24
العشاء 19:46
link link
EFG hermes
EFG hermes