×
الموجز

صحافة جيل جديد

رئيس التحرير ياسر بركات

السبت 8 مايو 2021 07:19 مـ 26 رمضان 1442هـ
نجوم الفن

أسما شريف منير تثير الجدل من جديد: ”النهايات أخلاق مش ادعاء”

الموجز

آثارت أسما شريف منير الجدل من جديد برسالة غامضة وذلك بعد أيام من انفصالها عن زوجها الفنان محمود حجازى، حيث كتبت على حسابها الرسمي عبر موقع الصور الشهير "انستجرام" قائلة: "دايمًا لما اتنين بيسيبوا بعض كل واحد فيهم بيبقي عايز التاني يحس إنه تعبان من غيره، أو في حال أوحش، عشان يعرف يعدي ويقوم، هكدب عليكم لو قلتلكم محستش كده بس بما إني مركزة مع تجربتي المرة دي عشان فعلاً عايزة أتعلم وأقوي بجد، قعدت أحلل الإحساس ده بكل تفاصيله لحد ما وصلت إن لو فعلاً الواحد في يوم حب إزاي ممكن يتمني لحد حاجة زي دي، إيه الأنانية دي حتي لو اتأذيت ليه أوصل إني أتمني أن الشخص التاني يتعب عشان يحس بقيمتي".

وأضافت: "ده إحساس مؤذي وده مش طبعي، فهذبت نفسي ولومتها وقلت لنفسي إن لو ده اختبار من ربنا يبقي لازم الواحد يكون قده مش كلام وخلاص وتكون النهايات أخلاق مش ادعاء، لكل ست في نفس الموقف لو حسيتي بكده اقفي مع نفسك! وقفي نفسك، وغيري التفكير ده من جذوره و دعي الخلق للخالق".

واختتمت حديثها قائلة: "ركزي في ازاي تقومي بطريقة صحية واتمني لغيرك اللي تتمنيه لنفسك عشان: ‏"‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا" سامحي حتي لو مش انتي اللي غلطانة، إن الله غفور رحيم".

وكانت أسما أعلنت عن انفصالها عن زوجها الفنان محمود حجازى الأيام الماضية على صفحتها الرسمية عبر موقع التواصل الاجتماعي "فيس بوك" حيث كتبت قائلة: "ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".

فيس بوك موقع التواصل الاجتماعي أسما شريف منير محمود حجازي أخلاق

مواقيت الصلاة

السبت 07:19 مـ
26 رمضان 1442 هـ 08 مايو 2021 م
مصر
الفجر 03:29
الشروق 05:06
الظهر 11:52
العصر 15:28
المغرب 18:37
العشاء 20:03
link link link
EFG hermes
EFG hermes