×
الموجز

صحافة جيل جديد

رئيس التحرير ياسر بركات

السبت 16 أكتوبر 2021 11:45 مـ 10 ربيع أول 1443هـ
نجوم الفن

نكشف الكواليس الحقيقة لرفض إيمان البحر درويش غناء تتر مسلسل محمد رمضان.. تفاصيل مثيرة

إيمان البحر درويش
إيمان البحر درويش

حرص الشاعر والملحن هيثم نبيل صاحب كلمات مسلسل "البرنس" للنجم محمد رمضان أن يرد علي المطرب الكبير إيمان البحر درويش بعدما سخر من كلمات العمل، خلال الساعات الماضية، وكشف أنه رفض غناء تتر المسلسل.

وقال إيمان البحر درويش خلال حواره مع الإعلامية بسمة وهبة خلال برنامجها «العرافة» المعروض على شاشة «المحور»: «الكلمات معجبتنيش، ومسمعتهوش بعد العرض، لأني مش هتفرج على اللي اسمه محمد رمضان، قلت لمخرج العمل محمد سامي إني لو غنيت الكلام ده هتبقى وصمة عار في جبيني، ورفضت العقد رغم إن المبلغ كان كبير».


قال هيثم نبيل عبر صفحته الرسمية على «فيس بوك»: «اختلفنا السنة اللي فاتت لما كنت حضرتك هتغني أغاني مسلسل البرنس في وجهات النظر لاختلاف الاذواق بين الاجيال ورغم ان الكلمات كانت لاتحمل هوية جيل بعينه وتحملت اسلوبك المتعالي والحاد لكبر سنك و احتراما لتاريخك ومستغربتش لأن حضرتك مبيعجبكش عمرو دياب ومنير وهاني شاكر وعلي الحجار المهم انه لم يتم الاتفاق في وجهات النظر وده شيء وارد ولما نزلت الأغاني بصوت احمد سعد نجحت نجاح منقطع النظير بفضل ربنا».

وأضاف: «لكن ألاقي حضرتك امبارح طالع في برنامج بسمة وهبي بتقول ان الاغاني دي لو كنت غنيتها كانت هتبقي وصمة عار في تاريخك لضعفها فدي حلقة جديدة من مسلسل التعجرف ولكنها الان علي الملأ في صميم عملي لا اقبل بها ممكن تقول لا تناسبني وده وارد مش كل أغنية حلوة تليق علي صوت كل فنان وشرف كبير ليا ان حضرتك مغنتهاش وسعيد ان حضرتك مكنتش شريك في هذا النجاح الكبير».

واختتم حديثه: «إن القائمين علي العمل يبقوا علي الأغاني ويبدوها علي بقاءك وننهي التعاون بشكل راقي ده ميخليش حضرتك تطلع تقلل من شغلي وخصوصا لووكانت اعمال نجحت نجاح كبير واثبتت انها وجهة النظر الاصح والانسب للحالة الدرامية واغاني كانت تريند يوتيوب محتلة العشر مراكز الأولى لمدة شهر رمضان وده كان احتلال غير مسبوق للتريند بنفس الشخص ونفس العمل فاقت الربع مليار مشاهدة .. والحقيقة بحكم اعمالي للدراما فالفنان اللي بيفهم ان دي اغاني دورها تفيد الدراما مش اغاني في البومه بيستفيد من التجربة استفادة كبيرة وبيضيفلها وبتضيفله، الفنان اسلوب وانت الحقيقة كنت من احب الفنانين الي قلبي صوتا واحساسا، والان اقلهم حبا لقلبي بسبب اسلوب حضرتك الذي لا يراعي مشاعر الاخرين.. للتوضيح حديثه كان عن شخصي مش عن المسلسل وأبطاله لأنه كان فعليا مشارك فعليا بالعمل والاختلاف كان اثناء العمل عشان ميبقاش في مساحة لفكرة انه رفض يخص محمد رمضان، بالعكس كان مرحب جدا بالعمل في مسلسل لمحمد رمضان اغاني البرنس".

إيمان البحر درويش محمد رمضان البرنس

مواقيت الصلاة

السبت 11:45 مـ
10 ربيع أول 1443 هـ 16 أكتوبر 2021 م
مصر
الفجر 04:31
الشروق 05:57
الظهر 11:41
العصر 14:57
المغرب 17:24
العشاء 18:41
link link link link link link
EFG hermes
EFG hermes