حرصت الفنانة مي عمر علي كشف حقيقة تعرضها للخيانة من قبل صديقة لها، مؤكدةً أن خيانة الأصدقاء من أصعب ما قد يتعرض الإنسان له.

وأضافت مي خلال حلولها ضيفة ببرنامج “العرافة” الذي تقدمه الإعلامية بسمة وهبة عبر شاشة قناة “المحور”: “خيانة الأصدقاء أصعب بكتير من أي خيانة تانية.. الخيانة دي أثرت فيّ، عاتبتها ورجعنا اتكلمنا وسامحتها، بس معرفتش أبقى صاحبتها، غصب عني معرفتش أرجع لدرجة القرب اللي كنا فيها”.

وتابعت مي عمر: “لما بشتغل زيادة مش بيبقى عندي وقت زيادة لصحابي القريبين مني، وبحس إني مقصرة في حقهم، الموضوع بيبقى مرهق نفسيا، وخاصة لو بعمل شغل كتير بياخد مني وقت، بحس إني مش موجودة في البيت زي الأول، وبحس بتأنيب ضمير جامد”.

وأضافت مي عمر، خلال حوارها مع الإعلامية بسمة وهبة عن مساعدة زوجها المخرج محمد سامي لها في عملها "ممكن يبقى حد معاه واسطة والدور مينجحش، وأكتر دور الناس عرفتني بيه هو دور شهد في مسلسل الأسطورة، واتعرض على 6 ممثلات قبلي ورفضوه، وكانوا شايفين إن مفيهوش حاجة، لأنها طول الوقت كانت بتقول بحبك يا ناصر، رغم إنه محبهاش قبل كده وحب ناس تانية، والدور بالنسبة لأي ممثلة مكنش الدور اللي يحبوا يعملوه"

ولفتت إلى أن هذا الدور كان فرصة كبيرة بالنسبة لها، كما أنها أحبته للغاية وتدربت عليه وحصلت على دروس تمثيل وقابلت بنات يعملن في مكتبات: "نزلت حارات واتكلمت مع البنات اللي بيشتغلوا في المكتبات، والحمد لله الدور حقق لي نجاح أكتر من اللي طلبته من ربنا".

ويعد برنامج "العرافة" امتدادًا لبرامج بسمة وهبة الرمضانية والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للفنانين