×
الموجز

صحافة جيل جديد

رئيس التحرير ياسر بركات

الإثنين 18 أكتوبر 2021 08:12 مـ 12 ربيع أول 1443هـ
نجوم الفن

بعد تبرؤها من الفن.. شاهد الصور التي تسببت في اعتزال حلا شيحة وارتدائها الحجاب

الموجز

أثارت الفنانة حلا شيحة جدلا واسعا خلال الساعات الماضية بعد تبرؤها من التمثيل بعد طرح النجم تامر حسني فيديو كليب "بحبك" من فيلم "مش أنا" والذي يتضمن أحضان ومشاهد رومانسية تجمعه بها خاصة أنها قررت ارتداء الحجاب بعد زواجها من الداعية الإسلامي معز مسعود.

وكانت الفنانة حلا شيحة قد هاجمت العمل من خلال منشورا قالت فيه: "بالنسبة لفيلم مش أنا الحقيقة أنه تم تصويره من أكثر من سنة ونص وبسبب ظروف كورونا اتأخر جدا نزوله، وأنا كمان حالي اتغير واتجوزت الحمد الله، والفيلم فعلا بقا مش أنا.. وباتمنى التوفيق لكل زملائي".

وتعرضت "حلا" لموجة من الانتقادات فور تصريحاتها المثيرة للجدل وهجومها على تامر حسني بعد تجاهلها وطرح كليب أغنيته عبر قناته على موقع يوتيوب.

وعلق تامر حسني على تصريحات حلا شيحة وقال: "نهاركم جميل يا أغلى الناس الحقيقه عمري ما بتخيل إني أدخل في نقاش بالشكل ده مع زميل بحترمه وكان في بينا كل خير، للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فا أنا مضطر أرد هنا برضو".

وأضاف نجم الجيل: "أولاً أنا عمري ما وعدتك إن الكليب مش هينزل ده محصلش أصلاً يا حلا مش أنا خالص اللي أوعد وأخلف.. الحقيقه اني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله ٣ اسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي؟ منطق غريب فعلاً يا حلا".

وتابع: "وبعدين هو مش أنتي اللي مضيتي عقد وتقاضيتي عليه مبلغ كبير عشان الدور ده بعينه !! هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟! وللتوضيح للجمهور الكريم أنا والمخرجه الأستاذه ساره وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كده و لو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !! وبقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطه مسبقه في الدعايه وانتي عارفاها كويس ووافقتي عليها وده كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي ده للأستاذ ماجد الكدواني مثلاً هو ده يُعقل ؟!".
واختتم تامر رسالته قائلا: "أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطله ليا إحتراماً لحجات كتير يمكن فايتاكي بس مش هتفوتني.. وعلى فكره انا واثق انك عارفه اني مستاهلش منك كده وهكتفي بالتوضيح ده وربنا يهدي الجميع ويكتبلك كل الخير اللهم آمين".

0929a41adfcb703f7334fba3b2c90d3e.jpg
3d009f7ec85383beeb0c07f30ac7a4d9.jpg
461eff43a3df53c29b54874f57f42371.jpg
56fa3b4a99e2f00ec748c4fbaf01ed5d.jpg
5aa5da9b71031085f2d9941aa609e029.jpg
70b3d93991c1f423eb82522d183a2107.jpg
8101092ffac3a59dfc43669934a5dae1.jpg
8c7600635c4c73a1e8a8fe831cef42cd.jpg
b4dc71ce5fda5cc3f7946e8d4af159de.jpg
ff960a2405d989253ed1e6e55fce0fd0.jpg
حلا شيحة تامر حسني فيلم مش أنا معز مسعود الصور التي تسببت في اعتزال حلا شيحة وارتدائها الحجاب الموجز تويتر

مواقيت الصلاة

الإثنين 08:12 مـ
12 ربيع أول 1443 هـ 18 أكتوبر 2021 م
مصر
الفجر 04:32
الشروق 05:59
الظهر 11:40
العصر 14:55
المغرب 17:22
العشاء 18:39
link link link link link link
EFG hermes
EFG hermes