السيسي: رغيف العيش بقى بـ5 صاغ لما كان بيتكلف 18 قرشا ودلوقتى بيكلف 65
قال الرئيس عبد الفتاح السيسي، عن سعر رغيف العيش: "الناس استغربت لما اتكلمت في رغيف العيش ويجب أن نعلم أنه خلال الـ 50 سنة اللى فاتوا اتعملت منظومات كتيركانت مرتبة على ظروف وأوضاع موجودة في الوقت ده و الظروف دى مش ممكن تستمر أو نقبل أنها تستمر كده على طول".
وأضاف الرئيس السيسي خلال كلمته في افتتاح مشروعات سكنية جديدة في مدينة بدر: "هديكم مثال.. رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.. طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.
وتابع الرئيس السيسي: "ارتفاع الأسعار يتم مجابته بتحسين أحوال الناس مش انفاق بس و ضبط النمو السكانى فالمبلغ اللى كان بيصرف على 5 مش هينفع على 10 و15.. حجم النمو السكانى اللى زاد كان أكبر من طاقة الانفاق.. وقيمة الجنيه مش زى قيمة الجنيه من 100 سنة".
