رئيس التحريرياسر بركات
الثلاثاء 19 مارس 2024 11:12 صـ 9 رمضان 1445 هـ
أهم الأخبار
هيحصل الدولار.. سعر الريال السعودي اليوم الثلاثاء 19-3-2024 بالتزامن مع عمرة شهر رمضان وزير التعليم العالي: مصر تدعو اليونسكو لوضع خطة عمل طارئة للتعامل مع المأساة الإنسانية في غزة حظك اليوم 19 مارس 2024.. الميزان يستعد لوقت ممتع والعقرب يعيش النجاح أسعار العملات في البنوك اليوم الثلاثاء 19-3-2024 بعد تجديد حبسها.. حكايات البلوجر سلمى الغزولي في النصب على المواطنين عاجل.. ارتفاع كبير في سعر الذهب اليوم 19-3-2024 والصاغة تترقب نتائج اجتماع الفيدرالي زعابيب وأمطار رعدية.. حالة الطقس اليوم الثلاثاء 19-3-2024 ”عمري ما قلت الفن حرام“.. أبرز تصريحات حلا شيحة بعد تصدرها للتريند 9 رمضان.. اعرف الحالة المرورية الآن بالقاهرة والجيزة 19-3-2024 الآن.. هبوط حاد في سعر الدولار داخل البنوك اليوم الثلاثاء 19-3-2024 واختفاء السوق السوداء رابط الاستعلام عن وظائف معلم مساعد في 8 محافظات بمسابقة الـ 30 ألف معلم .. سجل هنا تعطيل الدراسة خلال الأيام المقبلة بسبب الطقس السيئ.. التعليم تحسم الجدل

أبرزهم الأدمان والخيانة .. سمية الألفى تكشف أسرار انفصالها عن فاروق الفيشاوى 3 مرات

الفيشاوى
الفيشاوى

كشفت الفنانة سمية الألفي عن أسرار فى حياتها الشخصية مع زوجها الراحل فاروق الفيشاوي، مشيرة أنها ظلت 16 عام تسامح فاروق الفيشاوي على خيانته لها لأنها كانت تحبه، مشيرة أنها انفصلت عنه بسبب كرامتها بعدما خانها أكثر من مرة.

وأضافت خلال الجزء الثاني من لقائها ببرنامج "السيرة" الذي تقدمه الإعلامية وفاء الكيلاني بقناة "دي إم سي": "التسامح قوة مش ضعف، وفاروق الفيشاوي في الطلاق ما كانش عايز يطلق وأنا اللي كنت عايز أتطلق لأن نفسيتي تعبت وما قدرتش أستحمل، وأمي قالت له يا فاروق أنت خنتها كتير، فقال لها ما هي بتسامحني بقالها 16 سنة ليه مش قادرة تسامح تاني فردت عليه أمي وقالت له خلاص تعبت".

ولفتت: "كرامة فاروق الفيشاوي كانت عندي كبيرة أوي، وما كانش بيعتبر خياناته دي بتجرح كرامتي".

وتابعت: "كانت عندي صديقة غالية أوي وجالي تليفون بيقولوا لي فاروق بيخونك في المكان الفلاني، وصديقتي فضلت تزن عليا نروح نقفشه وأنا رفضت وقلت لأ لما يجي هقوله يطلقني، فصديقتي اتصلت بيه في الفندق فردت عليها البنت اللي بيخوني معاها فكلمتها وقلت لها اديني فاروق فكلمني فقلت له معلش أنا بكلمك علشان المخرجين بيطلبوك ومش عارفين يوصلوا لك وما حطتهوش في موقف وحش بس ساعتها قلت أنا خلاص هتطلق".

وأكملت: "اتربيت مع أم بتحترم الزوج احترام ملهوش حد وربتني إني ما أغلطش وآخد حقي بطريقة صح، وأنا ما غلطتش في فاروق الفيشاوي وهو عمره ما غلط فيا ولا زعق لي ولا قال لي كلمة بايخة، إن واحدة ست تغريه فيلاقي نفسه في نزوة كان بالنسبة لي عادي".

وأوضحت: "استحملت فاروق الفيشاوي 16 سنة خيانة ولكن بعد كده قلت له باي باي أنا خلاص هتطلق".

واستطردت: "بعد لما قفشت فاروق الفيشاوي آخر مرة كان بيخوني فيها كلمته في التليفون وقلت له أنا رايحة أنا وأمي وأحمد هنقعد في فندق ومنتظراك، وطلبت واصريت على الطلاق".

وأكدت: "من ضمن اللي خاني فاورق الفيشاوي معاهم كانوا صديقات ليا، وسألته عن سبب خيانته ليا فقال لي مقاومتي بتبقى ضعيفة، فقلت له هو أنا مقصرة، فقال لي المشكلة عندي والعيب فيا أنا".

وأكملت سمية الألفي: "حبي لفاروق الفيشاوي الكبير والقوي كان بيقويني ويخليني قادرة أسامحه على خياناته، وما أقدرش أفقد الثقة في نفسي، ولو مش حاسة إنه بيحبني حب كبير هو كمان مكنتش جبت أحمد وعمر منه وسامحته 16 سنة".

وأضافت: "قلت له الإدمان بقى قضية حياتي ومش هيجرحني إنك تخوني وممكن أجيبلك كل نساء العالم تبقى تحت رجليك، أنت بتتدارى في موضوع الخيانة وده مش قضيتي، ولكن إنك تبطل إدمان دي قضيتي اللي مش ممكن أنساها أو أتخلى عنها، لما انفصلت عن فاروق الفيشاوي كان وقتها أقلع عن إدمان المخدرات".

واستطردت: "في الطلقة التالتة كان سبب إصراري عليها والانفصال عن فاروق الفيشاوي خوفي على أحمد وعمر وإني مسؤولة عنهم وحمايتهم من إدمان الفنان الراحل، وأحمد وعمر وقتها كانوا عندي أغلى من أي حاجة، وفاروق ما كانش عنده الوقت إنه يبقى مسؤول عن ولاده لأنه كان محب للحياة والسهر ومجموعة الأصدقاء اللي كانوا لازم يجتمع معاهم كل يوم".

ولفتت: "روحنا للمأذون علشان نتطلق وهناك عيطنا عياط جامد جدًّا وهو كان متمسك بيا ورفض الطلاق ولكني كنت مصرة".