الموجز
رئيس التحريرياسر بركات
الأحد 21 يوليو 2024 12:55 صـ 14 محرّم 1446 هـ
أهم الأخبار

غادة عبد الرازق تكشف اسرار من حياتها الشخصية وكواليس ”صيد العقارب”

غادة عبد الرازق
غادة عبد الرازق

كشفت الفنانة غادة عبد الرازق عن أسرار حياتها وعن علاقتها بابنتها روتانا وكيفية التعامل بينهما، وتحدثت عن تفاصيل مسلسل صيد العقارب، والاسباب التي حمستها له.

غادة عبد الرازق تتحدث عن علاقتها بنجلتها

وقالت غادة عبد الرازق، خلال حلولها ضيفة على برنامج الراديو بيضحك: "أنا بحب بنتي روتانا جداً وهى أهم نعمة في حياتى كلها، وبحمد ربنا عليها طول الوقت، لكن مش ها أكذب أنا كان نفسى في ولد، وكانت أمنية كبيرة عندى".

واضافت عبد الرازق: "عندي ابن اختى بمثابة ابني بالظبط، ولو جاله دور برد بتجنن عليه وبخاف جدا.

اسرار مسلسل "صيد العقارب" لـ غادة عبد الرازق

وقالت :"مسلسل صيد العقارب عمل مختلف واكتشفت إن مؤلفه دكتور باهر دويدار كتبه من 10 سنين بالظبط، اما اتكلمنا وقلتله عايزين نعمل حاجة اجتماعية زي مسلسلات زمان ارابيسك وليالى الحلمية اللى المجتمع بيحب يتفرج عليها وبتكون اجتماعية فحكالى الفكرة".

وتابعت: "أما بقعد اسرح في وشوش زملائى الفنانين اللى معايا في صيد العقارب بفرح جدا، وأقول ايه الحلاوة دي كلهم ممثلين عظماء وكبار مركزين علشان نعمل حاجة كويسة فقط".

ابطال مسلسل "صيد العقارب"

مسلسل "صيد العقارب" من تأليف باهر دويدار، وإخراج أحمد حسن، بطولة رياض الخولي وسيمون ومحمد علاء وأحمد ماهر، مجدى بدر، ساميه عاطف،ميار الغيطى، عماد صفوت، أحمد ماجد، أحمد جمال سعيد، محمد على رزق، عزوز عادل، منال سلامة، صفاء جلال، مى القاضي، سيف الديربى، محمد صلاح، ونخبه من النجوم، ومن إخراج أحمد حسن، وإنتاج فينومينا، منتج فنى مصطفى الغزولى، برديوسر محمد سليمان.

nawy