التحفظ عليه لحين وصول نجله.. النيابة العامة تكشف مصير جثمان حلمى بكر
استقرت النيابة العامة على إيداع جثمان الموسيقار الشهير حلمي بكر، في مستشفى السلام، وذلك لحين اتخاذ قرار بتسليمه لذويه، وإنهاء حالة الخلاف بينهم في مكان انتظاره لحين حضورنجله من أميريكا.
وكان قسم شرطة السلام ثان حيث تلقى بلاغ يفيد بوجود خلاف على مكان انتظار جثمان حلمي بكر لحين حضور نجله من أميريكا، وبالعرض على النيابة العامة أمرت بإيداع الجثمان بمستشفى السلام لحين البت.
آخر كلمات حلمي بكر
يذكر أن الموسيقار حلمي بكر قال في آخر ظهور له قبل رحيله بـ 48 ساعة : "أنا بحبكم جدًا بس معرفش حالة الحب اللي عندكم شكلها إيه، وزعلان من اللي بيتقال عني، لكن حالتي الصحية تمنعني من التعليق، أنا موصلتش للدرجة اللي الإعلام وصفني بيها، ومفيش حاجه تخليني أنشغل بالتعليق عن اللي بيحصل.. مش هقعد أتكلم في الوقت ده عن المطربين وغيره".
عبر الفنان مصطفى كامل نقيب الموسيقيين، عن حزنه لوفاة الموسيقار الكبير حلمي بكر وكشف أسرار آخر أيامه، وقال: "بقالنا شهر بنتمنى أن يدخل الموسيقار المستشفي، ويجيلنا، بقالنا حوالي شهر يا أستاذ جابر بنطالب ونقول هاتولنا الراجل، بنطالب اللي انتوا عارفينهم، والصحافة والإعلام كلهم عارفين احنا كنا بنقول ايه، إخواته كلهم بيكلمونى، وبنقول دايما هاتولي الأستاذ حلمى يا جماعة، وكنا بنطالب اللي خدوه يعمل نقاهة (زوجته) في الشرقية، بنطالب الدنيا كلها".
مداخلة مصطفى كامل عن وفاة الموسيقار حلمي بكر
وقال الفنان مصطفى كامل عن وفاة الموسيقار خلال مداخلة هاتفية ببرنامج "مانشيت"، عبر قناة "CBC"، مع الإعلامى جابر القرموطى: "ولحد النهاردة بنقول لابنه انزل، وقولتله قلبي حاسس هيحصل حاجة لأبوك، وانت الوحيد القادر على إنك تروح تاخده من المكان ده، انت ولده، انت الوحيد اللي تقدر تجيبهولي من المكان ده، والبقاء لله"، واستكمل : "أنا مستحيل ادخل في كلام مش بتاعى، دا كلام أسرته، أحنا بناشد كتير وآخرها مع لميس الحديدي، بقالنا فترة بنقول احنا جاهزين والنقابة على أتم استعداد لكل حاجة، من أجل الموسيقار".
مصطفى كامل: كل حاجة هتبان للرأي العام
واضاف: "كل حاجة هتبان للرأي العام، وبقالنا شهر بيتقال علينا كلام غلط من ناس كتير بتخص الأستاذ حلمى، طب فين الراجل؟"، واستكمل: "احنا مبنتأخرش، اتأخر عن أبويا ازاي، ولسه كاتب من يومين بوست على الصفحة، وقلت ربنا يطمنا عليك وحسبى الله ونعم الوكيل، دا أخويا، وصديق عمري وأستاذي وكل حاجة، دا احنا بنشحته بقالنا شهرين، قالولنا أصل بيعمل فترة نقاهة، ازاى يعني ده يحصل".
واضاف مصطفى كامل: "أتحكى منهم حكاية غريبة غير اللي أتقال خالص في الصحافة والإعلام من الطرف التاني، أنا راجع بيتي وهتجنن، قالوا دا أخيرا خرج من النقاهة وهيروح مستشفى، قلنا يلا هاتوهولنا الراجل واحنا نتولاه، وفتحنا مستشفى المعادي والجوابات طلعت وكل حاجة، بس كنا كلنا عارفين".
وتوفي منذ قليل الموسيقار الكبير ، بعد صراع مع المرض، وذلك بعد مسيرة فنية ممتدة وتاريخ طويل مع أعظم الأعمال الفنية.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
