باسم يوسف يكشف موقفين لوالديه في مواجهة نظام مبارك
كشف الإعلامي باسم يوسف ، في صفحته على «فيس بوك»، عن موقفين لوالديه الراحلين في مواجهة النظام الأسبق برئاسة حسني مبارك.
وقال «يوسف»: «في سنة ٢٠٠٠ والدي كان رئيس محكمة القضاء الإداري في مجلس الدولة وساعتها كانت انتخابات مجلس الشعب. سنتها والدي اصدر ٢٨ حكم ببطلان ترشيح نواب تبع الحكومة والحزب الوطني، من دول كان سيد مشعل وزير الانتاج الحربي. ساعتها الراجل ماصدقش ازاي قاضي يقف في طريق ترشيحه لكرسي مضمون، بعت لوالدي ناس ورسايل، بالحنية مرة والتهديد مرات والرئاسة اتوسطت وأبويا كان بيرد انه يصدر فتاوي قضائية تعزز الحكم وتغير وجه الانتخابات للابد».
وتابع: «الحكومة مالقتش حل إلا أنها تعمل حركة نص كم حيفتكرها اللي واعي لانتخابات ٢٠٠٠، إلا وهي انها تعمل استشكال لتنفيذ الحكم قدام محكمة عابدين، عشان اقرب الموضوع، ده زي ما يكون كده فيه حكم قدام محكمة جنائية وتروح انت تستشكل قدام محكمة الاسرة، طبعا ده كان استهبال بس للاسف نفع. حتى كان فيه كاريكاتير رسمه مصطفى حسين أيامها بيوضح ازاي الحكومة تاخد الحكم من مجلس الدولة وتروح من الباب الخلفي لمحكمة عابدين».
وأضاف: «في ٢٠٠١ والدي طلع معاش، ومعاه في نفس السنة طلع معاش برضة القاضي بتاع عابدين. ابويا اتغضب عليه طبعا في حين ان التاني مسك محافظ».
وعن موقف والدته في مواجهة رئيس الوزراء الأسبق عاطف عبيد ، قال: «بعديها بسنتين امي خاضت معركة استمرت لحد طلوعها على المعاش مع رئاسة الوزرا برئاسة عاطف عبيد لان مراته مسكت القسم بتاعها في اكاديمية السادات. امي وقفت لقرارتها الغير قانونية ورئاسة الوزرا عملت على اضطهادها وحرمتها من الترقية لدرجة استاذ في اخر ايام شغلها قبل المعاش. امي كسبت تلات قضايا ضد مرات رئيس الوزرا ولم يتم تنفيذهم طبعا».
وأكد أن «المهم نفس الأب والأم دول اللي قاموا بفعل ثوري قبل ما نعرف يعني أيه معنى الكلمة دي، زي ما أيدوا التغيير بعد ٢٠١١، اتغيروا واتحولت انتماءاتهم زي أهالي ناس كتير مننا، ممكن كبر السن، ممكن الخوف عليا ممكن التأثر بالاعلام. لكن والدي على مدي كل حلقاتي في المسرح مافوتش حلقة واحدة، كان مكانه المفضل الصف التاني على يميني. وبالرغم من اختلافاتنا وخصوصا بعد تلاتين ستة، كان بييجي ويتفرج ويضحك وكنت انا كتير أرمي الأفيه وابصله واشوفه مبسوط، كتير كنت باختلس النظر له في التصوير عشان اشوف رد فعله، وكان دايما مبسوط، اللي يلاحظ في الحلقات كنت بابص على يميني كتير».
واستطرد: «فيه ناس كتير قلقانة عليا وبتسأل عليا ويمكن مستغربين من رد فعلي «الهادي» للحدث الجلل ده، الحقيقة احنا متعودين اننا نعامل الموت من منطلق احساسنا بالحزن لفراق احبابنا، وده طبيعي جدا، لكن انا شايف ان احسن طريقة اننا نحيي ذكراهم اننا نتكلم عن ذكرياتنا الحلوة عنهم والحاجات اللي نفتخر بيها في سيرتهم، الموت علينا حق صحيح، لكنه مش الحقيقة الوحيدة، الحقيقة اللي حتفضل موجودة هي سيرتهم وحبهم لينا وللحياة، الحزن شعور طبيعي، خليه ياخد وقته، لكن خللي اللي يفضل في قلبك هي الفرحة بيهم والحياة اللي عاشوها».
وقال «يوسف»: «في سنة ٢٠٠٠ والدي كان رئيس محكمة القضاء الإداري في مجلس الدولة وساعتها كانت انتخابات مجلس الشعب. سنتها والدي اصدر ٢٨ حكم ببطلان ترشيح نواب تبع الحكومة والحزب الوطني، من دول كان سيد مشعل وزير الانتاج الحربي. ساعتها الراجل ماصدقش ازاي قاضي يقف في طريق ترشيحه لكرسي مضمون، بعت لوالدي ناس ورسايل، بالحنية مرة والتهديد مرات والرئاسة اتوسطت وأبويا كان بيرد انه يصدر فتاوي قضائية تعزز الحكم وتغير وجه الانتخابات للابد».
وتابع: «الحكومة مالقتش حل إلا أنها تعمل حركة نص كم حيفتكرها اللي واعي لانتخابات ٢٠٠٠، إلا وهي انها تعمل استشكال لتنفيذ الحكم قدام محكمة عابدين، عشان اقرب الموضوع، ده زي ما يكون كده فيه حكم قدام محكمة جنائية وتروح انت تستشكل قدام محكمة الاسرة، طبعا ده كان استهبال بس للاسف نفع. حتى كان فيه كاريكاتير رسمه مصطفى حسين أيامها بيوضح ازاي الحكومة تاخد الحكم من مجلس الدولة وتروح من الباب الخلفي لمحكمة عابدين».
وأضاف: «في ٢٠٠١ والدي طلع معاش، ومعاه في نفس السنة طلع معاش برضة القاضي بتاع عابدين. ابويا اتغضب عليه طبعا في حين ان التاني مسك محافظ».
وعن موقف والدته في مواجهة رئيس الوزراء الأسبق عاطف عبيد ، قال: «بعديها بسنتين امي خاضت معركة استمرت لحد طلوعها على المعاش مع رئاسة الوزرا برئاسة عاطف عبيد لان مراته مسكت القسم بتاعها في اكاديمية السادات. امي وقفت لقرارتها الغير قانونية ورئاسة الوزرا عملت على اضطهادها وحرمتها من الترقية لدرجة استاذ في اخر ايام شغلها قبل المعاش. امي كسبت تلات قضايا ضد مرات رئيس الوزرا ولم يتم تنفيذهم طبعا».
وأكد أن «المهم نفس الأب والأم دول اللي قاموا بفعل ثوري قبل ما نعرف يعني أيه معنى الكلمة دي، زي ما أيدوا التغيير بعد ٢٠١١، اتغيروا واتحولت انتماءاتهم زي أهالي ناس كتير مننا، ممكن كبر السن، ممكن الخوف عليا ممكن التأثر بالاعلام. لكن والدي على مدي كل حلقاتي في المسرح مافوتش حلقة واحدة، كان مكانه المفضل الصف التاني على يميني. وبالرغم من اختلافاتنا وخصوصا بعد تلاتين ستة، كان بييجي ويتفرج ويضحك وكنت انا كتير أرمي الأفيه وابصله واشوفه مبسوط، كتير كنت باختلس النظر له في التصوير عشان اشوف رد فعله، وكان دايما مبسوط، اللي يلاحظ في الحلقات كنت بابص على يميني كتير».
واستطرد: «فيه ناس كتير قلقانة عليا وبتسأل عليا ويمكن مستغربين من رد فعلي «الهادي» للحدث الجلل ده، الحقيقة احنا متعودين اننا نعامل الموت من منطلق احساسنا بالحزن لفراق احبابنا، وده طبيعي جدا، لكن انا شايف ان احسن طريقة اننا نحيي ذكراهم اننا نتكلم عن ذكرياتنا الحلوة عنهم والحاجات اللي نفتخر بيها في سيرتهم، الموت علينا حق صحيح، لكنه مش الحقيقة الوحيدة، الحقيقة اللي حتفضل موجودة هي سيرتهم وحبهم لينا وللحياة، الحزن شعور طبيعي، خليه ياخد وقته، لكن خللي اللي يفضل في قلبك هي الفرحة بيهم والحياة اللي عاشوها».
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
