أعلن عبد الجليل نجل الفنان عمرو عبد الجليل، تفاصيل مرضه “العصب المخي التاسع”، الذي أصيب به قبل 4 سنوات من الآن، ومن المقرر إجراءه عملية جراحية قريباً.

وكتب عبد الجليل، على حسابه الشخصي بـ"فيس بوك": “أنا لسه معملتش العملية والله لأن في ناس كتيير فاهمة أني عملتها وأخبار نازلة أني كنت في العملية وعملتها خلاص، دي الأعراض اللي عندي أهه من 4 سنين كلها اللي مفيش حد فاهمها ولا عارفها لأنهم نادرين أوي و مبيبانوش في أي شئ خالص و يا رب لو أي حد عنده حاجة منها أقدر أفيده ويعرف المرض على طول بدل ما يلف و يدوخ زيي علي كل الدكاترة والتخصصات وسنين تضيع من عمره زيي، وأنا إن شاء الله أما أعمل العملية هقول بنفسي”.

وسبق، وطالب الفنان عمرو عبد الجليل، الجمهور بالدعاء لابنه “عبد الجليل”، بعد إصابته بمرض خطير، وخضوعه لعملية جراحية دقيقة، ونشر صورة له عبر حسابه الشخصي بموقع التواصل الاجتماعي “فيس بوك”، وقال: "عبد الجليل ابني هيعمل عملية في العصب المخي التاسع، عشان تعبان بقاله 4 سنين ونص ادعوله".

وكشف ابنه “عبد الجليل” تفاصيل المرض الذي أصيب به، ويعاني منه منذ ما يقرب من 4 سنوات، ونشر مقطع فيديو له أثناء خضوعه لعملية جراحية، عبر حساهب الشخصي بموقع التواصل الاجتماعي “فيس بوك”، وقال: “الحمد لله الحمد لله من فضل رب العالمين، ربنا قدر إني أعرف المرض اللي عندي بالظبط، بعد 4 سنين و نص، بتألم كل ثانيه فيهم، العصب المخي التاسع ده، العصب بتاع الكلام والمضغ والبلع”.