أعلن الفنان أحمد التهامي، شفاءه من فيروس كورونا، حيث أجرى التحاليل الطبية وجاءت نتيجتها سلبية.

وشارك "التهامي" جمهوره صورة جديدة من صالة الجيم عبر حسابه الرسمي على موقع الصور إنستجرام، وعلق قائلا: "الحمد الله رجعت بعد تعب شديد وطويل مع الكورونا.. واللي يعرفني كويس يعرف إني مبتسم طول عمري، وما صدرت أي حاجة سلبية بمر بيها في حياتي مع إن الواحد بيمر بأصعب ظروف مر بيها في حياته من إحباط وغدر وانعدام الضمير في شغله".

وتابع أحمد التهامي: "بس ربنا بيصبر الواحد على الشدائد وبحاول أخرج دايما من التفكير في أي حاجة سلبية علشان ما يبنش عليا الزعل لو قبلتوني وتزعلوا مني وانتوا أهلي اللي بحبهم ودايما بتسندوني بحبكم.. والحمد الله رغم كل الظروف الصعبة بكون مبسوط ومبتسم عشان مؤمن بربنا وعندي يقين أن الرزق بتاع ربنا.. وبعتذر لو ضيقتكم بس دي أول مرة افضفض معاكم".

يذكر أن أحمد التهامي شارك في الموسم الرمضاني الماضي بمسلسلين دفعة واحدة الأول مسلسل "أحسن أب" بطولة علي ربيع ومسلسل "فارس بلا جواز" بطولة مصطفى قمر.