تزوجت 5 مرات عرفى ووقعت فى غرام شخص هندى وعلاقتها بالعندليب .. الرجال فى حياة فيفى عبده
كشفت الفنانة فيفي عبده عن عدد زيجاتها، قائلة: "أنا اتجوزت 5 مرات في حياتى وكلهم جوازات كانت عرفى ماعدا أول جوازة كانت شرعى، وكنت صغيرة وقتها ومكنش عاوز يطلقنى، ومن وقتها قلت لازم أتجوز عرفى عشان يبقى الموضوع سهل".
وقالت فيفي عبده فى برنامج "السيرة" تقديم الإعلامية وفاء الكيلانى، والمذاع على قناة DMC: "بس لما خلفت بناتى خليت الزواج شرعى، وأول مرة خلفت كان عندى 25 سنة، ويمكن اتجوزت كتير لأن أي ست لما تتطلق ومتبقاش مرتبطة بيطلعوا عليها اشاعات، وأنا كنت بحب أقطع عرق وأسيح دمه وأتجوز على طول".
وأضافت فيفي عبده: "عمري ما عملت فرح قبل كده في كل زيجاتى، لكن في مرة كنت بصور فيلم اسمه الستات وقلت لمحمد جوزى تعالى ننزل من على السلم في زفة وكنت مخلفة وقتها هنادى بنتى".
وعن حقيقة تعرضها للطلاق بسبب عبد الحليم حافظ، قالت: "أنا أجرت شقة مخصوص في الزمالك عشان أقعد مع الفنانين لأنها كانت مشهورة بأنها قاعد فيها فنانين كتير، وفى مرة كنت مستنية زوجى في كافتيريا، وكان عنده اجتماع في نفس المكان اللى انا فيه ودخل عبد الحليم حافظ وشفيق جلال الكافتيريا ونده عليا، وقالى يابت بيقولوا عليكى رقاصة شاطرة، وقعدت معاه على الترابيزة ولما زوجى نزل وشافنى كان هيطلقنى بسبب كده".
وعن قصة حبها لشخص هندى قالت: "اتعرفت عليه في لندن وطلعنا على الهند واتفقنا على الجواز، وفى مرة لما كان في لندن قالى انا جاى مصر بكرة، وأنا بيتقطع نفسى في بيتنا لان مفيش اسانسير وانا ساكنة في الدور الخامس، فروحت أجرت فيلا في المهندسين وروحت اجيبه من المطار وانا رايحة على الفيلا مش عارفة مكانها وجبت السمسار يودينى ليها بس معجبتهوش ولما اخدته البيت عند أمى حب المكان أوى، بس متقابلناش تانى لأن والدى وقتها اتوفى ومكنش ينفع أسيب اخواتى وأسافر معاه".
وتحدثت فيفي عبده خلال الجزء الثانى من حلقتها عن زوجها الحالي وبناتها قائلة: "أنا متزوجة من محمد بقالنا 25 سنة، وسر نجاح الجوازة دى التفاهم والاحترام بنا، وهو كان أب حنين لابنته هنادى وأب لابنتى عزة".
وتابعت عبده: "كل راجل وله مفتاح ولكن المهم أن الست تحطه تاج فوق راسها، والفشل بيجى من الست مش الراجل، لأن الراجل بيكون طفل صغير، وأنا أكتر حاجة بحبها حاليا هم أحفادى، وهم 3 بنت من عزة وبنت وولد من هنادى، وبتمنى من ربنا يدينى العمر بس عشان أكون معاهم".
وعن نصيحتها للراقصات قالت فيفي عبده: " للراقصة المبتدئة لازم تاخد خطواتها صح، ولكن بالنسبة للراقصات المحترفة لازم تحارب بأيدها وسنانها على المكان اللى هي فيه، ولازم تحب مهنتها وتجدد منها، لأن الموضوع مش سهل والطريق صعب أوى"
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
