قصف جبهة.. حمو بيكا يعلق على قرارات النقابة ويهاجم تامر عبد المنعم «فيديو»
علق مطرب المهرجانات حمو بيكا على قرارات نقابة المهن الموسيقية بمنعه من الغناء هو وعدد من مطربي المهرجانات: إحنا في سنة 2021 يا جماعة وده عصرنا وجيلنا إحنا، زي ما سمعناكم أنتم لازم تسمعونا، زي ما احنا كنا جمهوركم لازم تكونوا جمهورنا.
وتابع بيكا: أنتم ليه عايزين تحطمونا وليه شايفنا غلط، وزي ما بتقولوا البلد فيها قانون ماحدش يقدر يمنعنا من الغناء.
وأضاف: ليه مانغنيش في بلدنا ليه أغني بره مصر، إحنا في بلد حرية مافيهاش المنع، من ساعة ما الرئيس السيسي جه مصر، والبلد كل يوم بتتطور، ليه عايزين تخرجونا من البلد، واللي عمل غلط يحاسب عليه.
وشن هجوم قوى على الفنان تامر عبد المنعم، بعد تصريحات الأخير عنه، أمس في الصالون الثقافي بقصر السينما، بحضور الفنان هاني شاكر، نقيب المهن الموسيقية.
وتابع حمو بيكا خلال بث مباشر على حسابه الشخصي بـ انستجرام: طالع ماسك المايك، المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر، أنا مصري وحامل الهوية المصرية، أنا مصري وعندي ولاء أكتر منكم في البلد دي
وأضاف حمو بيكا: كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو انتو ليه بتتنمروا علينا، ليه بتعاملونا كأننا حشرة ليه شايفنا زبالة لا إحنا ولاد ناس ومتربيين وعاملين ندوة كبيرة متستهزأش بيا، عصر أم كلثوم وعبد الحليم، إحنا في سنة 2021.
وسبق، وأصدرت نقابة المهن الموسيقية بيانًا أعلنت من خلاله إيقاف عدد من مطربين المهرجانات، وكان أبرزهم: حمو بيكا، حسن شاكوش، شواحة، حمو طيخة، مسلم، عنبة، الزعيم، مجدي شطة، وغيرهم.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
