سهير جودة تهنئ شريهان بعيد ميلادها: قاهرة المستحيل وبتخلق من كل نهاية بداية جديدة

هنأت الإعلامية سهير جودة، الفنانة شريهان، بمناسبة عيد ميلادها، الذي يوافق 6 ديسمبر من كل عام، قائلة: «هي أكثر مثل شوفناه لإنسانة بتحب التحدي وبتحب المستحيل، بتعمل المستحيل».

وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «شوفنا عندها معجزتين حصلوا في حياتها، وخرجت منهم وكل معجزة قادرة تنهي اي حد لكن واضح انها محترفة في مواجهة المستحيل وبتستمتع بعبور الحواجز واحد بعد التاني».
وتابعت سهير: «دايما تلاقي عنقها مرفوع في الصور كانها العنقاء اللي بتبتدي من اول وجديد، وهي قمر و نموذج لبنات كتير وستات كتير بشكلها وشعرها وحركاتها».

وأشارت: «شريهان شئ مختلف تماما، حالة لوحدها يعني زيها زي العنقاء اللي بتخلق نفسها من الرماد وتعيد تاني بناء اسطورتها دون الحاجة لأحد، مفيش حد اختلف على شريهان فنيا، وهي بتبعد وتستسلم في صمت، هي بتعود و تبدأ من جديد وكأنها بتبني اسطورة جديدة».

وأوضحت: «شوفناها في اعلان في رمضان السنة اللي قبل اللي فاتت، وشوفناها في مسرحية كوكو شانيل، هي كأنها جوهرة حقيقية بجد، بتعمل وجود خلاق طول الوقت، بتخلق من كل نهاية بداية جديدة، وكل نهاية هي بتكون على القمة دايما».
واختتمت: «شريهان مرت باربع امتحانات كبرى في حياتها لكنها قاهرة للمستحيل، أكيد مرت بدعوات وحب الناس، شاريهان عندها وجه لا يخطئه الحزن وربما يزيده سحرا، حزن غامض يمكن كلنا منفهموش ولكنه لائق عليها لانه صادق، وخلف هذا القناع هناك حقيقة رائعة جدا».

https://youtu.be/6aj_IlvniLM
--------------------------

سهير جودة: مفيش راجل مخير والست هي اللي بتختار

قالت الإعلامية سهير جودة، إنها تتفق مع وجهة النظر التي تقول أن الست في الوقت الحال يهي التي تلعب دور الصياد، وتصطاد الرجل التي تعجب به، وليس العكس كما يعتقد الكثير من الرجال، موضحة: «مفيش راجل مخير هو مسير، والست هي اللي بتختار».

وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «اذا اختارت الست الرجل العير مناسب، او الرجل الغلط في الوقت الغلط، فهمها تفعل لن تكسب هذا الرجل، لكن هناك رجال ليس لديهم استعداد لاصطيادهم من قبل الستات، لان الست لم تقوم بلفت انتباهه لها بالشكل المطلوب لذلك تدخل الست في دوامة عذاب».

وأشارت سهير، أنها ترى أن الست لا تستطيع التقرب من الرجل الا اذا كانت قد لفتت انتباهه وأعجب بها، واذا كانت ليست في اهتماماته ستكون كل محاولاتها فاشلة في الوصول له.