ياسمين عز عن كثرة الزلازل: لازم ننام كل يوم على طاعة ربنا

علقت الإعلامية ياسمين عز، على كثرة الزلازل في الفترة الأخيرة، بجانب حديثها عن أهمية إخراج الزكاة والصدقة وخاصة للعاملين بمهنة توصيل الطلبات للمنازل.

وقالت الإعلامية ياسمين عز، عن كثرة حدوث الزلازل بالفترة الأخيرة، خلال برنامجها كلام الناس المذاع عبر شاشة قناة MBC مصر: محدش يسبق الأحداث، وأحنا لازم ننام على طاعة ربنا وأنت مش بتأذي حد ولا عامل حاجة وحشة وساعتها هتكون في حفاظ الخالق اللي أحسن من أي مخلوق مليون مرة، ولكل كتاب أجل.

وأضافت ياسمين عز: الصدقة لها مفعول السحر، واعتبروا مندوب الدليفري اللي بيجيلك في عز البرد، حد ربنا بعتهولك عشان تتصدق عليه، والصدقة بتقع في إيد ربنا، وكمان الحراس لازم نكرمهم لأننا بنام وهما بيسهروا عشان يأمنك، كلنا محتاجين بعض.

كما وجهت الإعلامية ياسمين عز، نصائح للسيدات كعادتها في البرنامج، قائلة: الله يعين الأطباء النفسيين على الزوجات اللي بيقولوا أن أزواجهم نرجسيين، أنتي كنتي فاكرة النرجسي طبق حلويات، ومفيش راجل عنده بوز، لأن كلنا عارفين مين عنده بوز ولازم يداريه، متبقيش مفترية وحبي رجل جوزك.

وأضافت: الأجانب الخميس يتخطبوا والجمعة يتجوزوا إنما أحنا الجواز عندنا كأس عالم، ويا فرعوني إياك تضعف وتخلي كلمة مراتك تمشي عليك ولازم تقدر والدتك وساعتها هتكون راجل بجد.