ميس حمدان: ساعات بقول نفسي يجي راجل اتسند عليه.. ودايما بدعي ربنا يبعتلي الهني الغني
كشفت الفنانة ميس حمدان مواصفات فتى أحلامها، الذي تتمناه وتتوسل إلى الله باستمرار حتى يرزقها به.
وقالت ميس حمدان خلال لقائها مع الإعلامية أميرة بدر ببرنامجها "vip” المذاع على شاشة "هي": انا حبيبة اوي بحب على نفسي، حسيت احساس السند والضهر ولكن مش كامل، لان مجتش المواقف الكافية اللي توريني مدى كفاءة الإنسان اللي قدامي واعتمد عليه، ويمكن عشان كنت صغيرة، وده من كتر اعتمادي على نفسي، اللي هو هيجي هيعمل ايه.
وأما عن فكرة اعتزالها للفن بعد زواجها فقالت ميس حمدان: زمان كنت ممكن اقول لا عشان نجاحاتي وعايزة اكبر نفسي وهكذا، دلوقت ممكن استغنى عن كل حاجة عشان اكون أسرة وممكن اسيب شغلي عشان أبني بيت.
واستكملت ميس حمدان حديثها: ساعات بقول نفسي يجي راجل اتسند عليه ويشيل عني وبعدين أشوف اللي حواليا بيشتكوا بقول خلاص مش عايزة ، ومش عايزة حد يطلع عيني، وعندي يقين إن ربنا يبعتلي إنسان يكون حاجة حلوة في حياتي.
وأضافت ميس حمدان: بدعي طول عمري، يبعتلي الإنسان الهني الرضي الغني الخلوق اللي اتجوزه واجيب منه الذرية الصالحة التي تكون كاملة خلقا وخلفة ويكون ليا سند واكون له سند وافرح بيه ويخليهولي العمر كله.
برنامج “vip” يذاع يوميا في شهر رمضان على شاشة "هي" وتقدمه الإعلامية أميرة بدر في تمام السابعة مساءً، وتستضيف من خلاله عددا من نجوم الفن والرياضة في مصر.
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
