هرقص لحد ما أموت.. فيفي عبده تهاجم منتقدي الرقص الشرقي
فيفي عبده.. هاجمت الراقصة الاستعراضية فيفي عبده كل من يتحدث عن حرمانية الرقص مؤكدة أن من وجهة نظرها الرقص ليس حراما.
فيفي عبده تدافع عن الرقص الشرقي
وأكدت فيفي عبده خلال لقائها في برنامج “عندي سؤال” من تقديم محمد قيس عبر قناة “المشهد”: أن الرقص مش حرام واضافت “الرقص حرام ليه؟ هو مش شغل زي أي حاجة الباليه حرام؟ .
واضافت: في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه”.
وعن فكرة ارتدائها الحجاب قالت فيفي عبده: “أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه”.
رسالة فيفي عبده لجمهورها
واختتمت حديثها قائلة: “نفسي أقول للناس متبصوش للشكل الظاهري للفنان بصوا لقلوبهم وتصرفاتهم”.
وسبق ودافعت عن الرقص في تصريحات صحفية لها مشيرة أن مهنة الرقص الشرقي لها قيمة كبيرة، ومتعلمين وناس كبار بتيجي تاخد عندنا كورسات.
وعلقت فيفي عبده على الانتقادات الموجهة إليها من البعض؛ بسبب تصرفاتها على السوشيال ميديا، قائلة إنها تستمر فيما تفعله، حتى لو بلغت من العمر 90 عامًا وتمتلك القدرة على الأمر.
فيفي عبده: أحب الرقص واعتبره اكسجين حياتي
وأضافت خلال تصريحات لموقع «ET بالعربي» أنها تحب الرقص وتعتبره اكسجين حياتها: «ليه أقعد في البيت، وليه تمنع عني الأكسجين، أنا بحب الرقص جدًا وهو أكسجيني».
واضافت انها تعتبر منتقديها أقلية معقبة: «اللي بيقولوا الكلام ده الحاقدين عليا والمتغاظين مني، لكن باقي الناس بتحبني، وكل الأعمار بتتابعني ومهتمة بتفاصيل حياتي».
اقرأ أيضًا: مبعملش حاجة غلط و الرقص ليه احترامه.. أبرز تصريحات فيفي عبده
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
