يوسف يصرخ : ادفنت صاحي يوم عيد ميلادي داخل مقبرة وقالولي انت هديتنا
الموجز يكشف كواليس أبشع جريمة شروع في قتل بشبرا
واقعة مأساوية ومؤلمة هزت أرجاء شبرا عندما أقدم أحد الأشخاص على التعدي على شاب بالضرب والأهانةوالذى يبلغ من العمر 16 عام ودفنه داخل حفرة المقبرة والهدف "انت هديتنا انهاردة" .
قال يوسف ضحية المقبرة : انا كنت رايح اجيب طلبات لولدي لقيت مشاجرة بين أحد الأهالي بسلاح ناري وعصا وحاجات غريبه انا خوفت واستخبيت في البيت اللي حصل فيه الواقعة مكنتش اعرف أن كل ده هيحصل ولما المشاجرة خلصت قولت خلاص اطلع امشي بقى الدنيا بقيت أمان ولما طلعت لقيت المتهمين في وشي ولقيت المتهم الأول بيقولي انت جيت هنا واعتدى عليا بالضرب في جميع أنحاء جسمي ودفني في المقبرة ومصمم أن انزل دم وبهدلوني طول الليل.
ادفنت صاحي يوم عيد ميلادي داخل مقبرة وقالولي انت هديتنا
وتابع يوسف ضحية المقبرة : انا لقيت المتهمه الثانيه قالتلي انت هديتنا النهاردة خلصوا عليه محدش شافوا أن هو عندنا أثناء المشاجرة وسابوني وطلعوا فوق الدور الثاني وكل شويه اسمع صوت انزلوا شوفه الواد ده مات ولا لسه اهم حاجه يجيب دم في المقبرة واخدوا مني الفون وكتفوا ايدي ورجلي وانا مكنتش عارف أعمل اي حاجه ومن كتر الضرب غبت عن الوعي لقيت نفسي في المستشفى واللي انقذتني مرات عمي.
إحدى اقارب يوسف قال : انا كنت قاعدة في المحل بتاعي لقيت أصحاب يوسف وجاين بيجرو بيقولولي الحقي يوسف داخل البيت اللي في المشاجرة ومطلعش جريت على البيت وصوت وانهارت طلعوا يوسف لقيتهم خرجوا عليا بأسلحة فرد وخرطوش وكأنه هيعتدوا عليا بالضرب ولكن اللي انقذنا أهالي المنطقة وهما لما شافوا التجمعات بدأت تكتر خافوا وهربوا وانا دخلت اخدت يوسف وشوفته في مشهد صعب جدا يارب ما حد يشوفها انا عايزة حق يوسف حرام يتبهدل كدة كسروا بنفسيته واتبهدل جسدية وكل حاجه ممكن اي حد يتخيله كفاية رعبوا
وقال والد المجني عليه يوسف : انا عايز حق ابني اتبهدل وكان هيموت وكل ده علشان ايه دم ومقبرة حسبي الله ونعم الوكيل وانا واثق في الحكومة والعدل وحق ابني هيرجع.
كانت البداية عندما تلقت الأجهزة الأمنية بمديرية أمن القليوبية بلاغا من إحد الأهالي يفيد بمعلومات عن واقعة الشروع في قتل " يوسف سيد" يبلغ من العمر 16 عاما تعرض لمحاولة قتل داخل حفره داخل إحد العقارات بدائرة شرطة قسم ثان شبرا الخيمة.
وعلى الفور انتقلت الأجهزة الأمنية إلى مكان الواقعة وبالفحص والتحريات تبين أن المجني عليه يوسف سيد تعرف لمحاولة قتل ولكن تم إنقاذه من قبل إحد الأهالي وتم نقل المصاب إلى المستشفى.
عقب تقنين الإجراءات القانونية تم تحرير محضر بالواقعة وتولت النيابة العامة التحقيقات .
اقرأ أيضا:
أحمد ضحية ذئاب البشر.. تفاصيل مثيرة في العثور على جثة طفل مذبوحا بكامل الجسد في شبرا الخيمة
أبرز محاكمات اليوم.. فساد وزارة الري وسب عدلي القيعي لرئيس نادي بيراميدز
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
