×
الموجز

صحافة جيل جديد

رئيس التحرير ياسر بركات

الأربعاء 12 مايو 2021 11:09 صـ 30 رمضان 1442هـ
نجوم الفن

شادي خفاجة : أنا مبشتغلش من 10 سنين ويابخت من ربنا جعله سبب لتوزيع الأرزاق

شادي خفاجة
شادي خفاجة

شارك الفنان الشاب شادي خفاجة متابعيه عبر موقع التواصل الإجتماعي "فيس بوك" بمنشور له طالب فيه صناع الأعمال الدرامية والسينمائية بمنحه فرصة عمل ودور في أي عمل فني ودعا المنتجين وصناع الأعمال بدعمه وترشيحه في عمل جديد مشيرا إلى أنه لايزال في الثالثة والثلاثين من العمر وفي سنه كثير من الفنانين يحظون بفرص كثيرة.

و قال خفاجة في منشوره :أصدقائي وأخواتي المخرجين ومساعدين الإخراج والإنتاج..أصدقائي الفنانين إخواتي اللي بقوا نجوم ماشاء الله ومبسوط جدا بنجاحهم وتألقهم وفخور بيهم وياما شاركنا بعض اللقمة وشاركنا بعض أحلامنا وأمنياتنا وشفتهم بفضل الله بيحققوا أحلامهم وفخور وفرحان بيهم جدا لأنهم يستاهلوا ده..أخوكم بقاله ١٠ سنين كاملين ماشتغلتش في أي عمل فني تحديدا من ٢٠١١، ولا تم ترشيحي من قِبَّل أي حد من اصدقائي، على الرغم من إني كل سنة اتصل ببعض المخرجين ومساعدين الإخراج أصدقائي اللي على تواصل دائم معاهم علشان أفكرهم بيا وبيكون الرد ديما إن أنا ممثل شاطر جدا ومش محتاج تفكرنا بيك احنا فاكرينك ديما وبنجيب سيرتك بكل خير بس مافيش حاجة مناسبة ليك، مع إني ممثل وأقدر أعمل أي دور يطلب مني سواء صعيدي أو مودرن أو كوميدي أو شعبي أو ظابط أو الخ».

وتابع: «بالنسبة لسني ماهواش معضلة أنا سني دلوقتي ٣٣ سنة يعني أغلب الممثلين والنجوم حاليا في نفس العمر ده تقريبا».

واستطرد:«أنا مش بلوم حد أنا عارف إنهم بيحبوني وعارف انهم مش هيتأخروا لو شافوا حاجة مناسبة ليا، بس أنا حبيت أفكركم بيا وأفكر أصحابي اللي بيحبوني وفاكرين ليا حاجة كويسة معاهم زمان».

وأوضح شادي خفاجة أنه اضطر لكتابة هذه الكلمات أملا في ان يجد فرصة في عمل فني مع انتشار البوست وتابع :«أغلب المقربين ليا هيتصلوا بيا حالا ويقولولي امسح البوست ده وماينفعش تكتب كده، بس أنا شايف إني عاوز اكتب ده من زمان ومتأكد أن في ناس صحابي كانوا ناسيني ومحتاجين بس حاجة تفكرهم بيا ويمكن البوست ده لو انتشر ربنا يكرم وألاقي فرصة كويسة ومش عيب أبدا أن الناس تساعد بعض على النجاح والشغل ويابخت من ربنا جعله سبب لتوزيع أرزاق الناس.

شادي خفاجة فيس بوك مبشتغلش 10 سنوات فرصة كويسة

مواقيت الصلاة

الأربعاء 11:09 صـ
30 رمضان 1442 هـ 12 مايو 2021 م
مصر
الفجر 03:25
الشروق 05:04
الظهر 11:51
العصر 15:28
المغرب 18:39
العشاء 20:06
link link link
EFG hermes
EFG hermes