الموجز
رئيس التحريرياسر بركات
الجمعة 29 مارس 2024 12:54 مـ 19 رمضان 1445 هـ
أهم الأخبار

ننشر بالفيديو .. الجز الثانى من أول حوار تليفزيونى لـ”السيسى”

يستمر المرشح الرئاسي، عبدالفتاح السيسي، الجزء الثاني من أول حوار تليفزيوني يظهر خلاله، مساء الثلاثاء، مع الإعلامي إبراهيم عيسى والإعلامية لميس الحديدي على قناتي «أون تي في»، و«سي بي سي».
يمكنكم متابعة نص الجزء الثاني من الحوار (لحظة بلحظة)، أو عبر البث المباشر:
- لميس الحديدي تبدأ الجزء الثاني من حوارها: هنتكلم عن الدعم والبطالة وكيف يختار فريقه الرئاسي وعن قطر وأمريكا وروسيا وهنسأله أسئلة كتيرة نتمنى الوقت يقضيها.
- إبراهيم عيسى: هنسأله أهم سؤال أنت أهلاوي ولا زملكاوي.
- لميس وعيسى يعودان لبدء حوارهما مع السيسي.
- عيسى: ماذا يمكن أن يقدمه السيسي للاقتصاد.. الحلم اللي تحدث عنه سيادة المشير.
- لميس: يعني المشاكل كتيرة وتحديات عظمى أمام مصر هنبتدي منين لكن المدى الزمني إحنا قلقانين من المدى الزمني.
- السيسي: طيب نتكلم شوية بأرقام نقول إحنا فين.. أولا التحديات في كل قطاعات الدولة المصرية.. عندنا مشكلة في التعليم والإسكان والبطالة وكل مناحي الدولة محتاجة جهد كبير.. وهتكلم بالأرقام عشان أقول الاقتصاد بمنتهى الوضوح الدين 1.7 تريليون جنيه.. هل من المقبول نسيب الدين للأجيال المقبلة هو ده الميراث.. أنا بفتكر لأ.. لازم نتحرك وبقوة قافزة وأنا مانامشي وأنتم مش هتناموا.. ليه كده.. مش بعذبك.. وأنا قلت العصايا السحرية هما المصريين وهما قادرين على ذلك.
السيسي: أنا شفت الصعايدة في الجيش وأرجل ناس وأكثر كرامة وكبرياء وتعتمد عليهم وتثق فيهم مع كل التقدير لكل المصريين وكنت بشوف بالمناسبة ناس بتيجي من بلادها بتشتغل وتقريبا ما بتاكلش وبعد 10 سنين تلاقي له كيان.. عنده محل وبنى نفسه.
- عيسى: دليل إننا ممكن نفعلها زي الصعايدة.
- السيسي: أه.. هنفعلها.. وإحنا بنكلم ليه.. هنشتغل ونتحرك ونشقى عشان كله يعيش كويس.
-لميس: الدين؟
- السيسي: الدين 1.7 تريليون جنيه.. والدين وفوائده على موازنة مصر ومستقبل المصريين.
- لميس: هنعمل إيه؟
- السيسي: حاضر يا فندم.. بنتكلم على دعم وتعليم 200 مليار.. هنعمل إيه.. مش كتير.. وأنت عندك البلد بتضيع والوطن مهدد وعندك شعب.. وليه أنا بتكلم كده بقول خلي بالكم فيها حاجة كبيرة لازم نجابهها.. وقود العربية عشان تحرك عشان تجابه أو تؤمن المظاهرة عبء علينا فاهم يا أستاذ إبراهيم.. وأنا بحترم إرادة الناس بس إوعى وأنت بتمارس إرادتك تضيع بلدك.
- لميس: هنعمل إيه؟
-السيسي: هقول البرنامج ومحاور العمل فيه.. ماعنديش فرصة إني أتكلم على ملف وأسيب ملف.. أنا لازم أتحرك باستراتيجية المحاور المتوازية.. عايز جهد.
- لميس: عاوز فلوس؟
- السيسي: أكيد.
-عيسى: مشكلة مصر؟
- السيسي: أه.. من غير ما أقول محافظة بعينها لو أنا إديته أرض وكان أرضهم 100 ألف فدان ممكن أقدم لهم 50 أو 100 ألف فدان.
- عيسى: عاوز أعرف عدالة التوزيع في المحافظة؟
- السيسي: الدولة لازم تكون مسيطرة على ده وتنفذ.. وأنا بديله الظهير الصحراوي لأني عارف إشكالياتها لأن منسوب الأرض أعلى غرب النيل وبديله امتداد آخر شرق البحر الأحمر مثلا.. عاوز يعمل سياحة نعمل.. عاوز يعمل تعدين يعمل عاوز يعمل استزراع سمكي أو مشروعات يعمل.. وهقول شوية أرقام النتيجة بتاعتها حاسمة.. وأنا مش عاوز أتكلم على حادجة بعنيها.
- تظهر خريطة على الشاشة والسيسي يشرح من خلالها التوزيع الجغرافي للمحافظات.
- عيسى: هشوف مصر دي إمتى؟
- السيسي: زيادة عدد المحافظات لنحو 33 محافظة.. وبنتكلم على استصلاح 4 مليون فدان.. وهل الأرض والتربة الزراعية تسمح بكده ولا لأ.. والمية موجودة والتربة موجودة.. ولما جبت الدكتور فاروق الباز جبت الجيولوجيين والعلماء عشان نشتغل على الأرض اللي نعمل فيها زراعة وجزء كبير منها فيها مياه جوفية.. وسيبوني أتكم بعد إذنكم.. يعني فيه شبكة استصلاح أراضي بـ160 مليار جنيه.. وفيه نظم ري حديثة تحقق استخدام كفء بس هتكلفنا مبالغ كتيرة.. وبينتج طاقة 8 فدادين وبيشغل 7 و10 و12.. وأنا هقول 5.. وأنا بكلمكم كلام علمي قابل للتنفيذ.. وأي مؤسسة لازم تنجح ومش مقبول الشعب يعيش أكتر من كده في العوز ولازم نخرج من دائرة الفقر.
- السيسي: بنتكلم في 26 مركز سياحي و8 مطارات جديدة و23 مدينة للصناعات التعدينية وبنتكلم في العاصمة وامتدادها.. ومش هنفضل نعمل أنفاق وكباري.. إحنا هنخرج وقادرين عليه.. والتمويل منين.. عندي 3 محاور لأننا بنتكلم في مبالغ ضخمة مش أقل من تريليون جنيه.
-لميس: هنجيبهم منين؟
- السيسي: المحور الأول لازم أعظم وأحفز المصريين دون أن يمس الفقير منهم على الترشيد والدعم في الموضوع ده مش الدعم اللي بنتكلم.. القدرة الذاتية للمصريين.. عندي 8.5 مليون مصر في الخارج.. هتسيبوا بلدكم كده.. بتكلم أقول له ساهم مع بلدك.
- لميس: تبرعات ولا ضرائب؟
- السيسي: ده الوقت اللي محتاجين فيه كل على قد قردته لو دفعت 10 دولار في الشهر دي مساهمة ممكن تدفع 100.
-عيسى: ده عودة للصكوك ولميس: بس التجارب دي مانجحتش.
- السيسي: مانجحتش لأنه ماكانش فيه مصداقية.
- عيسى: بتنجح في المستشفيات الخيرية.
- السيسي: خليني أكمل.
-عيسى ضاحكًا: مش حنحبطك.
- السيسي: مش هنحبط.. والمصريين هيساعدونا في ده أو الناس جاية تخطفنا وتمشي.. أو واحد يجي يشتغل وأغير كلامي.. والعبرة عليه.. والتانية المساعدات من الأصدقاء والأشقاء وأتصور ان الأصدقاء والأشقاء فهموا إذا كانوا حريصين على الاستقرار فيكون بتنفيذ المحاور.. والـ3 محاور كفيلين بتنفيذ ده.
-لميس: بس الأصدقاء قدموا لنا كتير.
- السيسي: بتقدم الشكر للملك عبدالله كبير العرب وحكيم العرب وبقول للسعوديين وربنا يحفظ بلادكم من أهل الشر.
- عيسى: ليست السعودية وحدها.
- السيسي: أصل مش 12 أو 15.. وعارف إن كتير من المصريين سامعيني دلوقتي وبقول له خلي بالك.
- عيسى: أصل اتقال لهم كتير.
- السيسي: يا أستاذ إبراهيم ماتخشش كده.
لميس: عاوزين نسمع.
السيسي: ثم أشقائنا في الإمارات تحية وتقدير من أول الشيخ خليفة والشيخ محمد وبقول لهم الشيخ زايد ممامشت وربنا يحفظمكم من الشر وأهله وأقول للشعب الإماراتي اللي بيثق فيا خلي بالكم نمن بلادكم والكلام ده بقوله لكل اللي ماجاش الشر عنده.. وبقول للكويتيين.. وإحنا دلوقي في محنة.. نحن في محنة حقيقية وما قدم لمصر كتير وما سيقدم مهم وقد يكون كثير..
لميس: أنت واثق.
-السيسي: واثق من وطنيتهم وحكمتهم وفهمهم للواقع الجديد.
-عيسى: واضح إنك واثق جدا.. والمشروعات دي مين هينفذها؟
- السيسي: فيه شبكة ري موجودة.. وشكبات لاستصلاح الأراضي.. والشركات دي هتشتغل وكل الشركات المصرية إن هامش الربح اللي ممكن يكون بنسبة معينة المرحلة اللي إحنا فيها مش هيكون كده.. وبتكلم على القطاع الخاص ومؤسسات الدولة لأن المطلوب كتير.. لأنك هتفضل تشتغل لسنوات.
-عيسى: الترشيد للقطاع الخاص نفسه؟
- السيسي: القوات المسلحة بتشتغل ومليون عامل.
-عيسى: ملوين عامل من القطاع الخاص.
- السيسي: الكل بيشتغل زي أوراسكوم.. وحاجة تتعمل في سنة ونص تتعمل في 3 شهور.
-عيسى: خدتي بالك يعني هتعمل كده لما تكسب.
-السيسي: أه إن شاء الله.
-لميس: بلاش الفقير.. المواطن هيحس بكده؟
- السيسي: لا نتكلم على الفقير.. كيلو اللحمة بيصل لـ60 أو 70 جنيه وبيجي لمصر بـ30 جنيه.. وبتكلم كلام مسؤول خلوا بالكم.. ماتحط 10 جنيه وتبيعوا بـ40.. محتاجين نفهم إزاي قدرة المصريين هتتحفز.. هتعمل معايا ده هتبقى أنت تفهمت الموضوع وأنا هعمله وهقدر أعمله وأنا بقول كده وإذا ماكنتش الأسعار هتتظبط أنا همعل آليات موازية للأسواق هعمل عربيات مبردات شايلة لحوم بتتباع بأسعار الكل يستفيد.
- لميس: كده تعاظم لدور الدولة؟
- السيسي: هعمل آليات مالهاش حل.. مانسيبش الفقير في عوز.. وهقف جنب الغلبان في مدة قصيرة.
- لميس: دور القطاع الخاص هيبقى إيه ممكن يقلقوا.
- السيسي: عندي سوق العبور منفذ بياخد بسعر مقبول.. والفلاح بيبيع الحاجة يمكن تكون أقل من ربع تمنها.. يعني حتى المواطن مش مخليه يستفيد من هامش الربح.
- عيسى: مرة أخرى تشير لهامش الربح.. كم هو واسع؟
- السيسي: قد يكون السبب آليات السوق أو هامش الربح.. القاهرة فيه 17 و18 مليون مثلا فتتوجد أسواق أخرى بالمناطق ذات الكثافة العالية وتبقى رحيمة ومصر تعلمها في 4 أو 5 شهور.
- عيسى: الدولة تعملها؟
-السيسي: الدولة جاهزة بعربيات.. يعني لو رحتي كارفور مش عاوزين نقول اسم حاجة.. بتكون الأسعار كويسة بدون تدخل.
- لميس: هل الدول هتدخل منافس للقطاع الخاص؟
- السيسي: بقول للقطاع الخاص السوق قدامك مفتوح وبقولك تساعد عشان الفقير الناس بتئن بجد.. هتتفرج ولا تساعدوني.. بس خلي بالك الوقت بالنسبة لي حاسم إوعى تقول هعمل السوق في 4 سنين.
- لميس: هتعمل إيه في البطالة؟
- السيسي: هكمل حتة.. مثلا مركز كسوق العبور يتم تدبير موارد غذائية يسوقها رجل أو شاب وجنبه 2 يساعدوه ويروحوا الأماكن... بيتكلم في 1000 عربية.
- عيسى: مين يجيبهم.. ولميس: خصوصا الدولة كانت فاشلة.
- السيسي: أنا هقوله خد العربية وهقول ادفع قسط للبنك وبتكلم إزاي أحسس المواطن إن الدنيا ممكن تتحسن.. وبتكلم عن دولة مستقرة وآليات عمل وبحل مسألة.. وأنا عارف أنا بعمل إيه.
- لميس: البطالة؟
- السيسي: يعني لو بتكلم في 4 مليون فدان عندي إني أشتغل فيهم وأقول الدولة يا إما أوفر فرض شغل أو يمتكل ده وده بيتوفر بالآليات والمحارو لو بيدبر منها كتير يبقى الناس هتمتلك عندك 50 أو 60 ألف فدان يبقى يمتلك.
- لميس: يعني مش حق انتفاع.
- السيسي: امتلاد.. دول ولاد مصر.. هديك أرض متجهزة تشتغل فيها.. ونرجع نتكلم عن البنية الأساسية توصلك للبحر والمحاجر ويتصل بالمحور الإقليمي.. بقول للمستثمر تعالى ومايبقاش عامل المخاطرة بتاعك عالي.. لا لا.. وكمان وإحنا بنتفاوض على الفلوس عندي مشكلة في الفلوس
- لميس: الطاقة؟
- السيسي: الطاقة أزمة والمسألة ممكن تتحل وهقول أرقام بسيطة تتطمننا.. وبنتكلم عن الطاقة كطاقة الناس بتتكلم عن طاقة للمصانع والبيوت والكهرباء ماتتقطعش.. وهقول أرقام ممكن الناس تحفظها بنتكلم في 30 ألف ميجاوات قدرة السد العالي والرياح والمحطات الحرارية تقل شوية ممكن.. والمشكلة عندنا في 1000 ميجا في الشبكة وتستوعبها والمواطن مايشعرش بمشكلة.. والحل إننا نعمل مجموعة محطات جديدة ده الفكر التقليدي نجيب غاز وفحم .. وليا وجهة نظر أخرى.. هل فيه وسائل نقلل استخدامنا للطاقة.. لقيت.. معناه الفقير يطفي النور أو الغني يعمل إيه إيه.. لأ.. ولو عمل كده كتر خيره.. عندي 25 مليون وحدة سكنية.. والـ25 مليون طاقة الإضاءة للبيوت بتاخد من 46 لـ49% يعني النص تقريبا من الطاقة منهم 6000 ميجا للإضاءة العادية للمبة.. وأنا بقول بمنتهى البساطة هل فيه في سوق الإضاءة معدات تخفض ده.. تصل بحجم التخفيض من 25 وات لـ3 وات.. أو تكييف على قد أوضة أو وأنا خارج أطفي التكييف.
- لميس: بس ده مش هيحل مشكلة المصانع؟
- السيسي: هقولك بس.. المصريين هيتعاونوا في ده فيه لمض غالية.. ولو جبت أنا في 3 أو 4 شهور وغيرنا اللمض في بيوتنا يبقى أنا نزلت لـ4 ميجاوات.. ويبقى حليت مشكلة الطاقة إن النور مايتقطعش بس وأزود طاقة العمل للمصانع وفيه حاجة كمان ولو الطاقة وفرتها تكلفة الوقود للمحطات هخفض وده هيوفرلي رقم متاح.
- عيسى: المواطن هيحط اللبمة إزاي؟
- السيسي: محتاجين نشتري اللمض كدولة وتتعمل إجراءات وتتركب. والمواطن المسؤول يعرف إن اللمبة اللي بيركبها هتزود 4000 ميجا.
- عيسى: يعني الدولة هتركب له اللمبة.
- السيسي: نعم.
- لميس: منين؟
- السيسي: هتوفروا من فاتورتك وبتكلم على مشكلة حالية لها حل أيوه.
- لميس: هنعمل إيه في الدعم؟
- السيسي: خلينا نتكلم في الطاقة.. والدعم مش هتتخلصي منه مرة واحدة ولما يتفك مرة واحدة بنلاقي بعض الناس بتغلي الأسعار.. والناس مش هتستحمل .. وعاوز أغني الناس ياخد 1000 ونص 2000.. ولما المصانع تشتغل وتاكل عيش ممكن نتحرك بالدعم.. هل فيه إجراء آخر.. أه أعمل محطة طاقة شمسية وبتكون أرخص مليار دولار.. إحنا بنتكلم في 10 آلاف ميجا وهنعمل ده.
- عيسى: فوق الـ30 ألف اللي عندي؟
- السيسي: الـ10 دول يوفروا لي 30 أو 40 ألف.. وهياخد عادي وهتقول ماتخلصتش الدعم.. فأنا ماعنديش اختيار تاني.. فمحتاج المصريين يفهموا ودعم الأشقاء عشان مصر تقفز مش بطرق تقليدية.
- لميس: هل واثق من ده وإحنا عندنا مظاهرات فئوية إزاي هتحفز المصريين.. الترشيد التحمل؟
- السيسي: عارفة لو الـ25 مليون أسرة وفروا رغيف يوفروا 25 مليون رغيف ويقسم الرغيف أربعة أرباع.. وإذا ماكنتوش تصبروا فالظروف مش هتتحسن.. وأنا مش قادر أديك.
- لميس: ولو قطع عليك الطريق؟
- السيسي ينفعل: القانون موجود إحنا مش هنهزر.. وهتاكلوا مصر يعني؟!.. إدي فرصة وما تعرقلنيش.
- السيسي يصمت ثم يتحدث عن التعليم: أنت عاوزة تنتبهي للمنشآت التعليمية ولا تصلحي حال المدرس.. ده مش متاح دلوقتي بالنسبة للمعلم.. ولما كلمت وزير التربية والتعليم قال لي فيه ناس مستعدية تساعد ولكن ده مش هيبقى كفاية.. محتاجين 200 ألف معلم و50 ألف مدرسة بـ500 مليون جنيه.. وفيه دور مجتمعي وفيه دور للإعلام.. وأخلي حالة من الاهتمام.. مين زار المدرسين ومين اتكلم مع المدرسين.. قول للمدرس أنا بشكرك.
عيسى: أنا شايف الحالة المادية للمعلم.. وهتحدث بلسانه هل ترى مشاكلي وظروفي؟
- السيسي: أه.. فكرة العوز حاكمة المشهد المصري أكتر من 30 سنة ودي يتطلب مننا نقف.
- عيسى: ماقلتش هتعمل إيه مع المدرس؟
- السيسي: مش هقدر أعمل حاجة دلوقتي.. مع تقديري لمطالب المعلم ولو أنت هتهد ولا البلد هتعيش.
- لميس: إمتى المواطن يشعر ببعض التحسن سواء صحة أو تعليم.
- السيسي: سنتين.
- لميس: ده معدل سريع؟
- السيسي: إن شاء الله.
- عيسى: ده يعني إنه مفيش في برنامجك 100 يوم وده تقليد عالمي؟
- السيسي: إديني المعايير العالمية.
- لميس: ذوي الاحتياجات الخاصة كل الدنيا أهملتهم ولهم حق علينا.
- السيسي: لهم رعاية وحق وكل المواطنين لهم ظروف وبفكر أستاذ إبراهيم في 2011 لما اتكلمنا وقلنا إن فيه عوز.
- لميس: الفقر المدقع؟
- السيسي: يعني بتتكلمي بخط الفقر 300 جنيه في مدرسة وتعليم يعملوا إيه.
- عيسى: سيادة المشير قبل الفاصل قلت الجملة دي كثيرة الأزمة تراكم سنين وهذا أحد المشاهد العالقة عند المواطن المصري وكلما كان المواطن يعرف قدراته يتكئ على تراكماته هل ده مفهوم وهنسمع في حالة فوزك هنسمع اصبروا علينا ده تراكم؟
- السيسي: أنا ليا تجربة في القوات المسلحة مع الاختلاف وقلت لهم إدوني سنة وكنت بقول لهم اللي بيحصل.. ولو قدرت بشكل أو آخر تضخي 3 أو 4 مليار جنيه تشكي في إنن نقفز.. هنشوف.
لميس: فاضل وسنسأل كيف يدير المشير السيسي دولتنا.
- السيسي ضاحكًا: كيف ندير نحن.
- عيسى: بعد الفاصل.
- بدء الجزء الثاني من حوار السيسي.
- لميس: كنا بنتكلم عن العقل المصري والتعليم وإدارة العقل المصري.. هل عندك أفكار أخرى؟
- السيسي: المفصل الرئيسي هو المعلم.. كنت بشوف المدرس بتاعي لابس بدلة وكرافتة وعربية ومنتهى التفاني في المهمة والرسالة وعشان كده بقول المدرس هو المفصل الرئيسي للتعليم ومش قادرين نديله الصراحة ومحتاجين كدولة ومجتمع يبقى تقدير حقيقي مش مادي.. واستحملنا وأنت بتدفع تمن مع مصر في ظروفها لغاية ما يجي يوم مش بعيد وتاخد حقك وتبني إنسان وتبني عقله ده مالوش تمن وتساهم حقيقية بشكل غير مسبوق إننا نقولك متشكرين.
- عيسى: يعني المدرس المصري يريى في عهد السيسي إن نجح يرى المكأفاة والرعاية والاهتمام؟
- السيسي: إن شاء الله.
- عيسى: نتكلم عن موقع أصحاب المعاشات؟
- السيسي: أنا شايف إن المواطن ومعاشه لا يكفي الكفاف وبقوله عاوز أعملك الحد الأدنى ومقدر تحملك وفيه مواطن بيخرج بياخد جنيهات بس لما تيجي تشوف الرقم الموجود عشان تحسن المرتبات قدامي خيارين أحسن قدرتي الاقتصادي كدولة ولا أدي للإنسان.. مش عشان خاطري أنا هنصبر شوية وهنجري قوي لا مش هنجري قوي هنقفز عشان نخرج من دائرة العوز وهنخرج منها بفضل الله.
- لميس: كيف ستختار طاقمك هل هم أهل الخبرة أم أهل الثقة؟
- السيسي: ماتقولي الكفاءة.. المرحلة الجاية ماتستحملش نراهن على ناس.. وعاوز المواصفات اللي تعمل معانا يكون فيها الكفاءة المهنية العالية جدا والإخلاص والأمانة والشرف والقدرة على العمل عالية جدا.. ولما بقول إخلاص وأمانة يتشغل لخاطر مصر بس مش عايز منصب ولا فلوس.. وكل همي دلوقتي إن الناس الحلوة والجيدة والممتازة كتير لكن مين يخليني مطمن إن اختياري وقع عليه بالمواصفات دي.
- عيسى: يعني بتبحث في طاقمك الرئاسي من الآن؟
- السيسي: نعم.. وبقول للناس اللي مش قد الموضوع يبعد.. واللي مش قادر يبعد مصر عاوزة رجال أسود عباقرة.. فيه كده.
- عيسى: مش هتستعين بالهواة؟
- السيسي: مش هجيبك الساعة 5 بتعمل إيه.. قصة كده.
- عيسى: أنت هتعتمد على عسكريين؟
- السيسي: أنا التقيت ناس كتير من المدنيين.
- لميس: مش هنلاقي محافظين عسكريين.
- السيسي: اعتبارات لأمن قومي وإحساسه بالحدود بتبقى أعلى كتير والموضوع ده مبكر.
- عيسى: ممكن البرلمان يفعله.
- السيسي: طيب مش تجهز ناس عشان تنتخبها وتجهز كفاءات.
- عيسى: في حالة نجاحك بتختار رئيس الوزراء والبرلمان بيختار الوزراء.
- السيسي: المصلحة الوطنية تقتضي مننا كده مع الوزارة والمحافظ ولو مفيش جيل تاني جاهز كله بيحتاج كده.
- لميس: هل تعيين نسيب السيسي رئيسا للأركان محمود حجازي تعيين لأهل ثقة؟
- السيسي: الجيش كله أهل ثقة ومفيش فيه الكلام ده.. وكله أهل ثقة من أول جندي لغاية أعلى رتبة والإجابة دي حاسمة جدًا.. وماعملتش ده مع أولادي وقيمي تمنعني إني أفكر بالصورة دي.
-عيسى: لم تصوت على اختياره.
- السيسي: صحيح.. مش معقولة يا أستاذ إبراهيم عايزين تحطوا في كل حتة.. سيبوا الجيش في حاله.
- عيسى: بس هتابع ميزانية الجيش؟
- السيسي: هقولك على حاجة (صمت).
- عيسى ولميس: الصمت ده له معنى أو تفكير.
- السيسي: يا رب نشوف مصر كلها زي الجيش.. وبتكلم عن آليات العمل داخل الدولة.. وهل المؤسة مسار عملها ونتائجها مطمئنة ولا مش مطمئنة وعاوز أقولك مش مطمئنة وانا كنت قائعد عام لها وابنها ده فوق الخيال.
- عيسى: تحدثني عن واقع المثالية؟
- السيسي: مش مثالية.. والمستوى الهائل نتوقف قدامه عشان ما نراقبوش لكن عشان نقدره وقلت لي ليه الحساسة ماكانش حد بيكتب اسم جندي قبل 25 يناير لأن ده مجتمع مخلق شديد الحساسية رغم أن أي إساءة له تؤلمه مع إنه قوي ويقدر لكن هما عارفين كتير.. والجيش في قلبي وهيفضل في قلبي.
- لميس: إيه الضمانات لعدم عودة رموز مبارك كام قلت وأنت وزير دفاع.
- السيسي: قلت لك مرة قبل كده وكنت قاعد في مجلس الوزراء قلت لهم يستحيل وبتكلم عن حالة قبل 25 يناير الثورة نهيتها ومفيش كلام منده وبنتكلم في قضايا وحالات الثورات وتأثيرها والتخوف مش شايف له سبب وبصراحة سايببين المشكلة الكبيرة اللي مقابلة مصر.. ودي مش إجابة بقولها بتجاوز بها الإجابة والحالة المصرية لا تسمح مش عاوز أقول ما قبل 30 يونيو أو ما بعد.. الحالة لا تسمح يا ريت تعطوا يا مصريين وإعلاميين القدرة والفرصة.
- عيسى: هل يفكر السيسي الانضمام إلى حزب.. ولميس: أو تنضم لحزب
- السيسي: لا دي ولا دي لا هشكل حزب ولا هنضم لحزب.. والقوى السياسية عاوزة مصلحة مصر ونوجد فعلا عمق ووزن يبقى موجود فيه حراك سياسي يساعد مصر في المستقبل.. وشم شايف إن حد يتآمر على ناس.. وكظهير شعبي يكفيني بعمل وإخلاص وأمانة.
- لميس: بس هتتعامل مع البرلمان إزاي؟
- السيسي: دائما بقول إحنا وفاتحين نافذة على التاريخ ومصر بتتطور وفيه حاجات بتبقى جيدة وهتستمر ومش هنقدر نحل المساءل مرة واحدة والتواصل بيخلي كل الناس.. وبتكلم عن الشخصية السوية تبقى بتشتغل في الإطار ده وبقول للمصريين اللي بتختاروه لازم يحقق المصلحة الوطنية لكم واختاروا بفهم ومسؤولية ومش بس بكلمة في الرئاسة والبرلمان.
- السيسي: أنا على المستوى الشخصي بحب المرأة المصرية بس ماحدش يفهم غلط وكل بنات الأسرة بناتي ولما أنجح كل بنات مصر تبقى بناتي ويؤلمني إن حد يسئ لها دي يؤلمني لأن ده مش من الشهامة ومن الرجولة.. والمجتمع كان بيقول عيب ودلوقتي بيسكت وهنستعيد ده.
- عيسى: هتعمل ده إزاي؟
- السيسي: فيه قانون ووعي ودور وبتقول للإعلام ساعدني في ده وأشتغل معايا وبتقول دعمني في وجه قبيح وأنا بدرس في كلية الحرب قابلت سيدة أمريكية كانت في مصر سياحة فقالت لي الست عندكم لما تيجي تعدي المرور مابتقفوش مش أنتم مسلمين مابتقفوش ليه وبعدين وأنا مش في الشارع بيضايقوني مش أنتم مسملني بتعلموا كده ليه.. مش هعلق.. وخليني نرجع للمرأة المصرية هي هتساعدني صحيح لأنها دينامو الحياة وهي الصوت المسموع في البيت بهدوء وحنية ورحمة وبقول لها محتاج مساعدتك في الموضوع الفلاني لأنك بتحفزي الزوج والأولاد على العمل ونرشد الكهرباء ولفي على الأوض وبثق فيها جدا وبحترماه جدا وبقول لها أنت ست عظيمة جدا وكتير خيرك وربنا يحفظك.
- لميس: الأقباط لهم مخاوف.. بماذا أوصاك البابا في زيارتك له؟
- السيسي: مشتاكليش من حاجة.. وإزاي نسيج الوطن يتألم وإحنما موجودين.. واسألي الضباط والجنود وصف الضباط المسيحين اللي كنت بتعامل معهم وبتعامل معهم بسياسية وكنت بقول لهم وبقول للناس خلوا بالكم كل واحد عنده دينه غالي ونحترم إرادة بعضنا البعض.
- عيسى: حال نجاحك ماعندكش مسلم ولا مسيحي.
- السيسي: عندي مصري.
- لميس: ما موقفك من ثورة يناير وقلق رموزها؟
- السيسي: إحنا عندنا شك في كل حاجة كويسة ماينفعش يبقى عندنا 25/30 ودي مش كانت إرادة المصريين وصوبت.. وليه بنشوه أي حاجة وليه مش عارفين نقول حاجة حلوة في حياتنا.. وتوقعت قيام ثورة 25 يناير و30 يونيو.. وكلنا في الآخر هنعيش الأيام المحسوبة لنا وهنموت ومفيش حد هينفع حد وكنا بنقول الموضوع أهه والتوصيات إيه ولااتمعملتش هنوصل لده؟
- عيسى: إيه الموضوع وأول تقدير كان إمتى والتوصيات خطر؟
- السيسي: في وقت مبكر.. في شهر 10.
- لميس: إمتى حسيت البلد راحية في داهية؟
- السيسي: في يناير.
- لميس: بعد الإعلان الدستوري؟
- السيسي: بعد ما لغى الاجتماع بالقوى السياسية وانا ماعنديش ضغط عليها.
- لميس: لغاها ليه؟
- السيسي: خبرة الحكم مش موجودة.
- لميس: حسيت إن البلد راحية في 60 داهية؟
- السيسي: لأن الحالة كانت تقتضي إننا نتعامل بمسؤولية.
- لميس: مين كان بيدير الدولة مرسي ولا خيرت الشاطر؟
- السيسي: مكتب الإرشاد بصراحة.
- عيسى: هتسمح بمكتب إرشاد؟
- السيسي: لا.. ويجب ماتسمحش لقيادة تنظم للحالة المصرية وهي لا تمسك بتلابيب القيادة المصرية واللي ماسك النار ماسك النار.
- لميس: بس فيه مكتب إرشاد في الخارج هنخرج له؟
- السيسي: فيه محور مواجهة الإرهاب محتاجين نواجهه جوه مصر وفي المنطقة ويبقى تحرك من المجتمع الدولي وإحنا معاه.
- عيسى: المجتمع الدولي متضامن في مواجهة الإرهاب؟
- السيسي: أه.. وحجم المقاتلين في سوريا 2000 وقل لي مين جهز الفكر ده.. وبتكلم على أوروبيين وعلى الغرب أن يستيقظ لما يحدث ولمناطق الإرهاب.
- عيسى: متى أدرك المشير السيسي أن حكم الإخوان قد انتهى؟
- السيسي: مارس 2013.. ما إحنا عايشينه وكان هيبقى أكتر من كده وكان ههيبقى فيه حرب أهلية وقلت بدل المواجهة بين مصريين ومصريين يبقى الجيش يتلقى الضربة.. هو مين يتلقى الضربة دلوقتي.. والإحباط هييتولد عنه إن ينلوا وأنا هخش أضرب مين.
- لميس: في مارس أبلغت مين إن الأمر قد انتهى؟
- السيسي: جه مسؤول أمريكي وقال لي النصائح إيه قلت الوقت انتهى وده مش معناه إنه تآمر والله.. والأزمة كبيرة جدًا وماكنش لها مخرج حقيقي وكان ممكن تغنينا عن ده وتقول مختلفين وتقول نحسم وتقول أقبل الاستفتاء على المنصب.
- لميس: لم يقبل ده؟
- السيسي: لغاية 4 العصر 3 يوليو ولو كان قال أه كنا هنطلع بيان.
- عيسى: بس القوى الشبابية ماكنتش موافقة والمجلس العسكري قال عاوزين دستور 1971 إيه الحقيقة؟
- السيسي: كنا ندير نقاش وبنقول شايفين إيه.
- لميس: لازم نخرج فاصل ونقول كيف ستكون رئاسة السيسي وإدارة الملف الدولي.
- بدء الجزء الثالث من حوار السيسي.
- عيسى: الحقيقة روسيا بتنظر بعين الريبة طول الوقت وكأن الحالة حالة تودد لروسيا مؤقتة للضغط على الأمركيان هل السيسي بدد هذه المخاوف في زيارته للروس؟
- السيسي: الزيارة مش على حساب حد ومايصحش ننظر لروسيا بشكل بديل والعلاقات الدولية حصل فيها تطور.
- عيسى: الدعم ممكن يكون مساعدات أو منح؟
- السيسي: مش هنقفل الباب على أي حد.
- لميس: وصفقة السلاح أخبارها إيه؟
- السيسي: العلاقات العسكرية مع روسيا لم تنقطع والكتير من المعدات للجيش جاية من روسيا والتعاون العسكري مع روسيا.
- لميس: صفقة السلاح أخبارها إيه؟
- السيسي: سلاح إيه؟
- لميس: المصري الروسي.
- السيسي: قوة الجيش المصري عادلة وليست غاشمة وقوة عادلة تحافظ على الأمن القومي المصري العربي.
- لميس: طيب وصفقة السلاح (بعدها تضحك وتقول: طيب) وتغير دفة الحوار ناحية المعونة العسكرية الأمريكية.
- السيسي: هل تقديرنا الاستراتيجي في الموضوع ده إن الإدارة الأمريكية لها وضع قانوني بالتعامل مع الوضع ده كنص وليس روح وإن تدخل الجيش وإزاحة رئيس منتخب يبقى انقلاب.. وكنت بقول ننظر إليكم بعيون أمريكية فانظروا إلينا بعيون مصرية وبقول ده للدول الأوربية.
- عيسى: أوباما كلم سيادتك؟
- السيسي: لا.
- لميس: هل تكلمت مع باترسون.
- السيسي: هي طلبت تؤجل الموضوع يومين ورفضت.
- لميس: ليه فتحتوا السجون للمسؤولين الأوربيين؟
- السيسي: تفهمنا إن محاولة لفهم الواقع إنه ما يتطورش.
- عيسى: مش تطور.
- السيسي: هي جهود بذلت ولم تخفق بسببنا وقلنا لهم لوزراء الدفاع والخارجية قلت لهم عاوز إجابة واحدة هل التوجه الاستراتيجي هو المواجهة والمشاركة.
- عيسى: المشاركة بمعنى إيه؟
- السيسي: كنا تفادينا حاجات كتيرة.. واكنت بطلب الإجابة كانت المشاركة أو المواجهة؟
- لميس: ليه وزير خارجية قطر؟
- السيسي: ما الإمارتي كان موجود.
- عيسى: تعاملنا مع 30 يونيو كواحدة من قمم الاستقلال الوطني إلى أي مدى سيتعامل السيسي مع الإدارة الأمريكية هل هتبقى فيه زيارة سنوية للبيت الأبيض؟
- السيسي: هنتعامل مع كل الدنيا من أجل مصر وأنا إنسان واضح ومباشر لأقصى حد.. وكل اللي التقى بينا كنا بنشكل حالة فهم حقيقية والواقع اللي إحنا فيه وإحنا مش هنخش في النوايا ونتحدث عن ناس بتفكر بتناقش وإن كان عندك حجة حقيقية الناس بتقبلها.
- عيسى: عاوز امتد للمستقبل وسياسة رئيس الجمهورية وستتعامل إزاي مع أمريكا وأوروبا والموقف المتحيز من 30 يونيو؟
- السيسي: إحنا كنا في أزمة كبيرة وفيه ناس بتدير حاجة عدائية وبالتالي شكلها كده.
- لميس: هل مش شايف إن أوروبا وأمريكا تدعم نظام وجماعة الإخوان في مصر؟
- السيسي: هما يهمهم استقرار المنطقة واستقرار مصر ومرفق قناة السويس ويهمهم يطمنوا عن الواقع والمستقبل لأنهم عندهم إدارات ومخابرات وتوصيات ودورك كوزارة خارجية إنك تشتغل على ده بقوة حقيقية وتقول إنك هنحمي بلدنا حتى الموت.
- لميس: هل ماقدمناش ده بشكل واضح؟
- السيسي: الدولة المصرية مرتبكة وعاوز أكون واضح وبسرعة نعود.
- عيسى: بتقرأ افتتاحيات واشنطن بوست ونيويورك تايمز؟
- السيسي: عارف إن فيه كلام كتير ومقالات هنا.. ويا ترى يا مصريين هتختاروا أيا من تختاروا واشرحو يا إعلاميين ويا مصريين إن اللي حصل كان إرادتكم أنتم.. وكام مليون لهم حق التصويت.
- عيسى: 54 مليون صوت.
- السيسي: بقول للمرأة المصرية من فضلك تشارك.
- لميس: المرأة الحقيقة بتشارك.
- السيسي: تقول لجوزها من فضلك ولابنها يتعلم والجيش والشرطة يبقوا واقفين على ضوافرهم عشان يحموا الانتخابات.
-لميس: قلق من التهديدات على الغرب؟
- السيسي: الحدود الشرقية والإرهاب في سيناء ده تهديد حقيقي وعدم وجود ليبيا كدولة تؤمن حدودها على 200 كيلو ده تهديد ومفيش سيطرة على البحر عندهم ولا سيطرة على الحدود البرية مع الواقع اللي إحنا شايفينها فيه خطر من هناك.. رغم إننا بننسق مع السودانيين.. والحدود دايما ماحدش بيعملها إحكام.
- عيسى: هتعمل إيه كرئيس جمهورية؟
- السيسي: بشاور للناس وبقولهم في ه مشكلة حقيقية في ليبيا وانا بشتغل على ده؟
- لميس: كسف ستكون سياستك تجاه حماس؟
السيسي: عاوز أقول للمصريين ماتخلوش الحال ولاوجدان اللي اتشكل تجاه حماس يؤثر على موقفكم التاريخي تجاه القضية المصرية.. ولن ينسى المصريين من وقفوا بجانبهم ومن وقفوا ضدهم.
- عيسى: بتعتبر حماس ضدنا؟
- السيسي يصمت.
- عيسى يغير السؤال نحو اتفاقية السلام.
- السيسي: مصر دولة عريقة واحترامنا للمواثيق يؤكد عراقة الدول المصرية وأقدر كل المعاهدات والاتفاقيات بما فيها معاهدة السلام مع إسرائيل.. وبقول لهم إن فيه فرصة حقيقية تعطوا للفلسطينين حاجة والأمل ده هيفتح بيبان خير كتير في المنطقة.. بوالتالي قدرة أي نظام سابق ماكنتش مرتبطة بالرأي العام ودلوقتي مرتبطة.
-لميس: هل تزور إسرائيل أو تستقبل رئيس وزراء إسرائيلي؟
- السيسي: طب يساعدونا بحاجة تفرحنا للدولة للفلسطينية نشوف القدس عاصمة فلسطين.
- لميس: طيب وقطر؟
- السيسي: ماتخسروش الشعب المصري.. والمصريين مازعلوش من حد غير قطر وحماس.
- لميس: وتركيا؟
- السيسي: هما اللي قافلين الباب.
- عيسى: هل تضع موقف أردوغان عائقا؟
- السيسي: ماحدش يعمل كده.
- عيسى: نيجي لسد النهضة؟
- السيسي: خلينا نتكلم عن العمق وأتكلم عن الجزائر وأقول لهم إني لم أتكلم عنكم بسوء وماحدش يعمل كده إلا لو عنده سقطة.
عيسى: هل بتتابع ما يدس عليك؟
- السيسي: فيه ناس بتتنفس كذب.
- لميس: بنتكلم عن التسريبات؟
- السيسي: انزعجت إنها بتتسرب إزاي.. وقائد كان بيلكم ضباط والكلام كانت بيتوزع سيديهات ووممكن جندي يكون أخطأ.. وكان لقاء ممكن الإعلام يجيب جزء منه.
- عيسى: نرجع تاني لسد النهضة.
- السيسي: أنا قلت كلام ماتغيرش إن الملف ده أغفل كثبر وامتدادنا وعلاقتنا بالأشقاء الأفارقة ماخدش الجهد اللازم ودول حوض النيل وكمان إثيوبيا.. وأنا شايف إنه مهم قوي إن الصراعات الاستراتيجية يبقى فيه حوار ونقدر مصالح الاخرين ومصالحنا.. وزي ما التنمية مهمة عندك فالمية مهمة بالنسبة لي.. وبتوقع منك تتفهم وتهتم بده.
- لميس: وإذا ماتفهمش؟
- السيسي: نخلي بالنا من الحالة المرتكبة في مصر وهو بيرصد الإعلام وبيقول بتهددني ليه ويقول ماتتكلم معايا بشكل مختلف.
- لميس: ترى حلا لسد النهضة.
- السيسي: لازم يكون فيه حل.
-لميس: طيب شريكنا السودان؟
- السيسي: علاقتنا لازم تكون موزونة مع كل الشركاء.. وده العمق الاستراتيجي بتاعنا وأشقاؤنا في السودان دعم العمق الاستراتيجي.
- عيسى: أول دولة ستزورها؟
- السيسي: السعودية.
- عيسى: تحيا مصر شعار وطني أكثر من سياسي ليه اختيار الشعار الوطني.
- السيسي: البرنامج ممكن يبقى هيبة الدولة واستعادة القانون.. لكن الوطن أعلى منها ويرقى على أي مستوى آخر.
-لميس: ليه النجمة؟
- السيسي: النجحمة مرتبطة بأعلام مصرية كتير ورمز للهداية في الوقت الصعب.
- لميس: إيه رأيك في منافسك؟
- السيسي: أنا قلت إن الأستاذ حميدن أو أي مصري يقدر أن يتصدى فأنا أقدره وأحترمه.
- لميس: كنت تتمنى أكثر من منافس؟
- السيسي: كنت أتمنى.
-لميس: هل شايف المنافسة محسومة لصالحك؟
- السيسي: أنا شايف ربنا قدام مني وربنا بيحسم.
- عيسى: بس البعض يقدمها إنه تزوير والبعض الآخر يرى فوزك شعبية؟
- السيسي: عاوزين نتجاوز فكرة تزوير إرادتنا.
- عيسى: مفيش مصري يسمح بأنه يزور لحد.. ولميس: أنت مطمئن للنجاح.. والسيسي يرد: غن شاء الله.
-لميس: هل عدلي منصور ممكن يبقى جوار حضرتك مستشار؟
- السيسي: كل التقدير للشخصية العظيمة وماتتصوريش إني بحبه وأقدره قد إيه.
- عيسى: أنت أهلاوي ولا زملكاوي.. ولميس: بتشجع حرس الحدود؟
السيسي: بشجع كل اللي بيحبه المصريين؟
- لميس: الرياضة اخبارها إيه صورة العجلة المغزى إيه؟
- السيسي: الصورة عفوية خالص والولاد الصغيرين في المدارس صوروني.. ورياضة العجلة في الكليات الحربية.. والرياضة أمن قومي وأي شاب ممكن يتعرض لمرض بنسبة قد إيه وكل ما ترتفع اللياقة البدنية تزيد الصحة والقدرة على العمل.. والساحات الرياضية موجودة ومحتاجين ننشط ونهتم.
- لميس: هل ممكن نتعرف على الزوجة اسمها إيه؟
- السيسي: انتصار.
- لميس: هل ممكن يكون للسيدة انتصار موقع في الحياة العامة؟
- السيسي: كل المرأة المصرية لها دور.. ومش عاوز أزعجها بده وخليني مجاوبش بالنيابة عنها وأنا عاوز أقول لك الهموم كثيرة الصراحة.
- لميس: هي قلقانة على حضرتك؟
- السيسي: طبعًا.
- لميس: والدة حضرتك.
- السيسي: ياااه دي قصة تانية خالص.. رأيت منها الحكمة والعقل والإخلاص والثقة بالله ولم أسمع منها أنها تشتم حد.
- لميس: هل كلمتها في الترشح؟
- السيسي: هي في وضع لا يسمح.
- لميس: ربنا يديها الصحة.. عاوز رسالة للمصريين.
-السيسي: عاوز أقول لكل المصريين إحنا في لحظة إنقاذ وطني وممكن إننا نفديه بحياتنا مش عشان المستقبل عشان الشباب اللي مش لاقي شغل وماعندوش امل وعشان الأحفاد يلاقوا حاجة كويسة في مصر وده يستدعي كل تجرد وننسى نفنسنا ونشتغل مش كلمة نشتغل نتجاوز عن خلافاتنا، نتجاوز عن مطالبنا أي ما كانت الطالب أيا ما كانت المطالب الواقع اللي محتاج نتحرك فيه.. نمشي ولا نقفز.. ولن يتم مجابهة مشاكل مصر كما ينبغي أن تجابه وينبغي أن نجابهها.\

جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.

ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.

كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.