تارا عماد: الكعب العالى بيوجع رجلى وبحب المحشى وهذه مواصفات فارس أحلامى
اثارت الفنانة تارا عماد جدلًا واسعًا بعد حلولها كضيفة على حلقة من برنامج "في البوكس" على قناة Gossips بموقع يوتيوب، وكشف اللقاء عن جوانب من شخصيتها والأشياء التي تحبها، ومواصفات فارس أحلامها.
قالت: أول عربية جبتها كان اسمها "نوسة" وكان عندي 20 سنة، وكانت لامة شمل العيلة ولماني أنا وصحابي ولسه محتفظة بيها، ولما ارتبط أحب ارتبط بحد مصري
واضافت: بحب العجل ورحت رحلة بالعجلة لأسوان، وتاني يوم في الرحلة اتشقلبت وفضلت 11 يوم ركبي بتنزل دم، و أعشق المحشي وبحب الحلويات، وبحافظ على وزني بالتمرين
واضافت: عملت برنامج طبخ اسمه "ملكة المطبخ" من 10 سنين، والبرنامج مكملش بعد 3 أو 4 حلقات، ومش حاسة إني ممكن أكون مذيعة كويسة، اتعلمت في سيوة طاجن اللحمة بالقراصيا، وعشان يتعمل بياخد 7 ساعات في الفرن، وبحب طعم السمنة، وماما بتحبها وبتشجعني نعمل حاجة بالسمنة
واكدت: لعبت "كيك بوكس" بالصدفة من خلال صحابي في النادي، وموصلتش للمسابقات، و بيساعدني أدافع عن نفسي لو حسيت إني مش في أمان، وفادني في دوري في فيلم "الفيل الأزرق 2"، وعمري ما ضربت حد في الشارع
وقالت: كلبي "فريسكي" أذكى كلب في العالم، شايف نفسه، ومش بيحب يلعب طول الوقت، وبيغير من القطط، وهدى المفتي قلبها كبير قوي، وأسماء جلال ذكية جدا، وسلمى أبو ضيف شخصية حالمة، وإنجي كيوان متواضعة، وهما دول شلتي
وأشارت: بحب أفضل حافية في البيت وبلبس شراب، والكعب العالي بيوجع رجلي، لكن بلبسه لو في مناسبة، و بعرف أركن العربية، وبسقّف لنفسي في العربية، و فاشلة في البلاي ستيشن
واضافت: ممكن أعيط لو حد أحرجني، و روتين شعري؟ بغسله وأسرحه وأدعي يطلع مظبوط، وممكن أرقص لو فرح واحدة صاحبتي قوي، و نفسي أتعلم رقصة التانجو ورقص معاصر
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
