×
الموجز

صحافة جيل جديد

رئيس التحرير ياسر بركات

الجمعة 30 يوليو 2021 12:53 مـ 20 ذو الحجة 1442هـ
كورة وملاعب ملاعب مصرية

حازم إمام: إرحموا مروان محسن.. وهدف مصطفى محمد يشبه جول دروجبا في ليفربول

مروان محسن في القمة
مروان محسن في القمة

طالب حازم إمام، نجم الزمالك ومنتخب مصر السابق، جماهير الكرة المصرية بالتوقف عن السخرية من مروان محسن مهاجم الأهلى بسبب أدائه فى مباراة القمة التى خسرها الأحمر بثلاثية من الزمالك.

وقال حازم إمام "تابعت حديث والد مروان محسن وشعرت أنه بجد كتير اللى بيحصل مع ابنه، وربنا يكون فى عونهم، كل الناس بتغلط بس حظ مروان أنه بيلعب فى الأهلى وكل الأضواء عليه، فياريت نرحم مروان محسن وكفاية اللى حصل".

وأضاف حازم إمام، "والد مروان زعلان من الشيخ طه إسماعيل ومن عماد متعب عشان انتقدوا مروان، هو كأب ليه حق ميحبش حد يقول أى كلمة عن ابنه، بس أى محلل لما ينتقد اللاعب كورة وفنيات ده طبيعى طالما الانتقاد لم يخرج عن حدود الاحترام، ولم يصل للاستهزاء والسخرية، وده ميزعلش حد، أنا ضد أنى أى محلل يسخر من أى لاعب ".

وتابع الثعلب الصغير، "ارحموا مروان محسن، هو طلع على المسرح لوحده فمش طبيعى ندوس عليه أكتر، كلنا عندنا أخطاء وقرارات غلط، وياريت نتعلم أننا مندوسش على حد جاب أخره".

وواصل حازم إمام "كلام الشيخ طه مظبوط فعلا فايلر قبل السفر لسويسرا حاجة وبعد العودة حاجة ثانية، فعلا مش مركز، وأول مرة أشوف دفاع الأهلى كدا، وفايلر لم يخترع فى التشكيل هو أخطأ فى أدوار اللاعبين فى الملعب وكمان كان مضطر فى بعض الحاجات عشان الإصابات اللى فى الأهلى".

وأضاف الثعلب "عجبنى هدف مصطفى محمد، من أجمل الأهداف ويشبه هدف دروجبا فى ليفربول، هدف فيه حرفنة وموهبة كبيرة وعجبنى كمان أداء أشرف بن شرقى، والمفاجأة بالنسبالى كانت من أليو بادجى مهاجم الأهلى، لم أتوقع أداءه فى المباراة هو متميز للغاية فى الكرات العالية بشكل كبير عن قدمه، ولازم جمهور الأهلى يقف مع الفرقة عشان اللاعيبة بقت بتشوف الانتقادات بعينها مش زى زمان فبلاش تخسروهم فى المباريات المقبلة نفسياً من قسوة الانتقادات".

مروان محسن حازم إمام الاهلي الزمالك

مواقيت الصلاة

الجمعة 12:53 مـ
20 ذو الحجة 1442 هـ 30 يوليو 2021 م
مصر
الفجر 03:34
الشروق 05:13
الظهر 12:01
العصر 15:38
المغرب 18:50
العشاء 20:18
link link link link link link link link
EFG hermes
EFG hermes