تغزل النجم أحمد العوضي في زوجته النجمة ياسمين عبد العزيز بعد الهجوم عليها من قبل شقيقة طليقها رجل الأعمال محمد حلاوة.

وشارك "العوضي" متابعيه صورة جديدة تجمعه مع ياسمين عبد العزيز عبر موقع الصور "إنستجرام"، وعلق قائلا: "احبك يا عالمي".

وكانت السيدة لمياء حلاوة شقيقة رجل الأعمال محمد حلاوة قد وجهت رسالة إلى الفنانة ياسمين عبد العزيز تعليقا على لقاء الفنانة ريهام حجاج مع الإعلامية بوسي شلبي والذي تحدثت خلاله عن كواليس زواجها من رجل الأعمال محمد حلاوة.

وقالت خلال الفيديو: "انا اسمي لمياء حلاوة اخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانة بيه وشفت أنها قالت كلام محترم وكلام من قلبها.. الحاجة اللي ضايقتني وأزعجتني ودي حاجة اني فوجئت من كام ساعة كلام يتقال على حرابيق وكلام ميصحش يتقال، يا جماعة احنا بقالنا 3 سنين بنتحارب ونتهاجم ويقتال علينا كلام غلط".

وتابعت: "احنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده، احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا".

وأضافت: "حاولي أنتي تكوني سعيدة لأن احنا بقينا سعداء واحنا بعيد عنك.. يارب الكلام ده يوصلك لأن غير كده أنا أظن هتبوظي الصفحة الجديدة بتاعتك هي كمان ده اللي عاوزه اقولهولك واقوله لمصلحة ولادك".

يشار إلى أن آخر أعمال ياسمين عبد العزيز كان مسلسل "اللي مالوش كبير" الذي عرض في الموسم الرمضاني الماضي، من تأليف عمرو محمود ياسين، وإخراج مصطفى فكري.