تسمم في الدم وغيبوبة.. كل ما تريد معرفته عن حالة ياسمين عبد العزيز
تصدرت النجمة ياسمين عبد العزيز مؤشرات البحث جوجل خلال الساعات الماضية بعد تعرضها لوعكة صحية مما أدى إلى إجرائها عملية جراحية دقيقة.
وتداولت عدة تقارير صحفية أنباء أن الوعكة الصحية التي تمر بها ياسمين عبد العزيز هي تسمم في الدم وذلك بعد خطأ طبي أثناء اجرائها عملية جراحية مما ترتب دخولها في غيبوبة وأصبحت الحالة حرجة.
وكان الفنان أحمد العوضي قد أعلن، أمس، خضوع زوجته ياسمين عبد العزيز لعملية جراحية، طالبا من متابعيه الدعاء لها بالشفاء العاجل.
وقال أحمد العوضي عبر حسابه الشخصي على موقع التواصل الاجتماعي فيس بوك: "الرجاء الدعاء بظهر الغيب لزوجتي وحييبتي ياسمين، هي في العمليات ومحتاجه دعواتكم، اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفيها وعافيها".
ووجه "العوضي" رسالة مؤثرة إلي ياسمين عبد العزيز، حيث كتب: "يمكن ببان قدامكم دايما قوي لكن الحقيقه أنا دلوقتي أضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه، انا لاول مره اكتب من غير ما اكون مفكر انا بكتب ايه وهكتب ايه بس انتي هتقومي أن شاء الله باذن الله عشان انتي وعداني وعد وهتتفذيه".
وأضاف: "انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك".
وتابع: "قومي عشان انا بحبك، بحبك اكتر بكتيير من كل الكلام اللي انا كتبته، اكتر بكتير من كل اللي عدينا بيه مع بعض من أيام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك.. ادعولها تقوم بالسلامه زي ما انتو دايما بتدعولها بالنجاح والتوفيق هي دلوقتي محتاجه دعواتكم".
وكشف العوضي أن ياسمين عبد العزيز تتواجد حاليا في الرعاية المركزة، وقال: "يا جماعه بعد اذنكم.. اي تصريح عن الحاله عن طريقي فقط، وانا مقلتش اي تصريح عن حالة ياسمين غير اني طلبت منكم دعواتكم، وتمنياتكم لها بالشفاء العاجل هي في الرعايه دلوقتي ومحتاجه دعواتكم دي كفايه انها تهون عليها".
وأكد الفنان وائل عبد العزيز شقيق ياسمين عبد العزيز أن حالتها الصحية خطيرة من خلال بوست قال فيه: "صباح الخير، أنا اللي هقدر كل اقوله دلوقتي ادعوا لياسمين حالتها خطرة".
وحقق الثنائي ياسمين عبد العزيز وأحمد العوضي نجاحا كبيرا في الموسم الرمضاني الماضي من خلال مسلسل "اللي مالوش كبير" من تأليف عمرو محمود ياسين، وإخراج مصطفى فكري.