هند صبرى: عندى حب التملك ومش غيورة والكوميديا الاسرع لقلوب المشاهدين

تحدثت الفنانة هند صبري عن العديد من اسرار وحكايتها وأعمالها الفنية ومسلسلها "البحث عن علا"، أثناء حلولها ضيفة على برنامج “B my guest” والذي يقدمه الإعلامي بلال العربي على موقع يوتيوب.

وقالت: الكوميديا هي أسرع طريق لقلب الجمهور، بعد عايزة اتجوز اختفت المصطلحات السخيفة عن تأخر الزواج، وبستخبى ورا الضحك لما بيكون عندي مشكلة.

واضافت: وضعت كتير من تجاربي الشخصية في مسلسل البحث عن علا، و مش قادرين لغاية دلوقتي نتقابل، عندنا صعوبة في الوطن العربي قبول الواقع زي ماهو، و عندنا مشكلة أننا مش بنقبل أن احنا مختلفين، و السوشيال ميديا عملت نوع من أنواع الوهم مش دي الحقيقة، عملت غش في رأي العام.

واكدت: الشارع رأيه مختلف هو النبض الحقيقي، احنا كـ ممثلين مينفعش ناخد رأي الجمهور من السوشيال ميديا، أنا مش غيورة وعندي شويه حب التملك.

عرض مسلسل البحث عن علا خلال الفترة الماضية على منصة نتفليكس، والعمل من بطولة هند صبري، هاني عادل، سوسن بدر، ياسمينا العبد، ندى موسى، محمود الليثي، وآخرون، والمسلسل من إخراج هادي الباجوري.