وجه الفنان رامي وحيد، رسالة شكر لفريق عمل مسلسل "موسى" بطولة النجم محمد رمضان، والذي يعرض في السباق الرمضاني الجاري.
ونشر رامي وحيد صورة جديدة له من كواليس العمل عبر حسابه الشخصي على موقع التواصل الاجتماعي فيس بوك.

وكتب "رامي": "ما بحبش احكم من الفرجه علي مسلسل من حلقاته الاولي مع اني المره دي من التتر ومن أول حلقه وانا مستمتع بتفاصيل مخرج عظيم قادر فعلا يشدني اني اركز واحب كل لقطه واحس جدا بظروفها، الاستاذ محمد سلامه الي احب اصقفله قدام كل الناس زي ما صقفلي في اللوكيشن هوا وكل كرو المسلسل بعد اخر مشهد ليا وكانت ثواني في حياتي مش هنساها، شكرا علي الملحمه التاريخيه اللي انت استحملت فيها ظروف صعبه وتوقف المسلسل واحباطات مع صعوبة وخطورة تنفيذ مسلسلات الحقبه الزمنيه وأن ده كله مجاش علي تركيزك واصرارك علي النجاح وما حدش حس بيه غيرك وظهر بالعظمه دي الي انا الي ليا الشرف اني اكون ضيف شرف فيها، المجهود الي انت وكل رجالتك عملتوه كبير جدا مهما اتكلمت عنه".

وأضاف: "الحمد لله ربنا ما بيضيعش مجهود اتعمل بحب واخلاص وكل ده باين في حب الناس للمسلسل ونجاحه الكبير وكلام الساده الصحفيين والمتخصصين عنه، الف شكر للاستاذ ناصر عبد الرحمن علي السيناريو العالمي وكلماته الي بتتحفر جوانا بتوجع وتفرح وتحببنا في ابطاله وبتخلينا نتوحد معاهم.. شكرا شركة سينرجي وكل رجالة الانتاج علي تحمل صعوبة تنفيذ مسلسل يرتقي بمستوي الدراما في مصر واخيرا شكرا للمبدع في هدوء محمد سلامه".

مسلسل "موسى" بطولة محمد رمضان وسمية الخشاب وعبير صبري ورياض الخولي ومنذر رياحنة وهبة مجدي وتارا عماد، وتأليف ناصر عبد الرحمن،وإخراج محمد سلامة، وإنتاج سينرجي.